GAP: Qeveria favorizoi komunat e VV’së për investime kapitale, 102 euro për kokë banori për Shtimen e 10 euro për Prishtinën
Autori: Gazeta inFokus 09:55 | 12 December 2023
Qeveria e Kosovës ka favorizuar komunat që udhëhiqen nga Lëvizja Vetëvendosje, sa i përket investimeve kapitale nga niveli qendror në komuna në vitin 2024, sipas një analize të Institutit GAP. Gjilani, Shtimja, Kamenica e Podujeva, janë në krye të listës sa i përket vlerës së investimeve të reja kapitale, raporton Express.
“Këtë vit, vlera e investimeve kapitale të reja të nivelit qendror të destinuara për projekte specifike në komuna është 21.8 milionë euro. Ngjashëm me vitin e kaluar, edhe këtë vit mbi gjysma e kësaj shume (59.5% apo 13 milionë euro) janë orientuar në katër komunat e udhëhequra nga VV (Gjilan, Kamenicë, Podujevë dhe Shtime). Këto komuna përbëjnë 14.5% të sipërfaqes në Kosovë dhe 11.6% të popullsisë”, theksohet në këtë analizë.
Për Komunën e Gjilanit, që udhëhiqet nga Alban Hyseni, janë paraparë investime kapitale në vlerë 6 milionë e 300 mijë euro, apo 85.69 euro për kokë banori. Pas Gjilanit, renditet Shtimja, e udhëhequr nga Qemajl Aliu, me 2 milionë e 753 mijë e 333 euro, apo 102 euro për kokë banori.
E treta në renditje është Prishtina. Për kryeqytetin janë paraparë investime të reja kapitale në vlerë prej 2 milionë e 300 mijë euro, apo 10.50 euro për kokë banori.
Menjëherë pas Prishtinës, renditet sërish një komunë e udhëqur nga Vetëvendosja. Për Kamenicën, që drejtohet nga Kadri Rahimaj, janë paraparë investime të reja kapitale në vlerë prej 2.1 milionë euro, apo 80.26 euro për kokë banori.
Kamenica pasohet nga një komunë tjetër e udhëhequr nga VV’ja. Për Komunën e Podujevës, në krye me Shpejtim Bulliqin, janë planifikuar investime kapitale në vlerë 1 milion e 855 mijë euro, apo 23.04 euro për kokë banori.
Më pas renditen Rahoveci, Peja, Prizreni, Lipjani, Novëbërda, Deçani, Vushtrria e Obiliqi. Ndërkohë, katër komunat që janë lënë në fund të listës janë Vitia, Drenasi, Mamusha dhe Suhareka. Për Suharekën janë paraparë investime kapitale në vlerë 100 mijë euro, apo 1 euro e 77 centë për kokë banori.
“Nëse analizohen këto investime për kokë banori, del se Komuna e Shtimes mban vlerën më të lartë, me 102.15 euro investime për kokë banori. Dy komuna të tjera me vlera të larta janë ajo e Gjilanit dhe e Kamenicës, me 85.69 dhe 80.26 euro investime për kokë banori”, thuhet tutje në analizë.
Çështja e shpërndarjes së pabarabartë të fondeve për investime kapitale nga ministritë në komuna gjithashtu është përmendur edhe në raportin e Komisionit Evropian për Kosovën, theksohet tutje në analizë.
Të tjera
-
Ambasadori suedez: Ura të hapet në koordinim me banorët lokalë
Ambasadori suedez, Jonas Westerlund në një intervistë për Tëvë1 është shprehu...
-
Hasani: Marrëveshja e Brukselit dhe ankesi i Ohrit rihapin çështjen e statusit të Kosovës
Ish kryetari i Gjykatës Kushtetuese, Enver Hasani në emisonin “Click” në RTV2...
-
I kërkuar ndërkombëtarisht për vrạsje e grạbitje – Policia e arreston 27 vjeçarin në Mitrovicë
Policia e Kosovës, gjegjësisht njësiti (FAST Kosova), me mbështetje të Njësis...
-
Raci: Opozita po e shfrytëzon Kuvendin për fushatë zgjedhore!
Nga pushteti akuzojnë opozitën se po gjen tema qëllimisht tash në prag të fus...
-
Haradinaj habitë me deklaratën: Albini ka ba foto me dronët “Bayraktar”, le të tregon qysh i ka humbë droni
Daut Haradinaj nga Aleanca për Ardhmërinë e Kosovës tha se “90% e pajisjeve u...
-
”Pritet arrestimi i tre ministrave të Albin Kurtit”
“Tre ministra të Qeverisë Kurti pritet të arrestohen”, kështu tha anëtari i K...
-
Daut Haraidnaj: Mimoza dinë qaq shumë për Kurtin, sa mund ta “varrosë” – andaj s’e qorton
Anëtari i Kryesisë së AAK-së, Daut Haradinaj ka folur rreth përgjimeve mes Mi...
-
“Dy krisma të alltisë i kam dëgju”, dëshmitari rrëfen për momentin vrạsjes afër hotelit ku punonte në Dragodan
Besnik Vitija, i cili kishte punuar në hotelin “Adria” kur kishte ndodhur vra...
-
Pacolli: Ka dëshmi që kam biseduar me Radoiçiqin në sy të Kurtit dhe Osmanit
Behgjet Pacolli, kryetari i Aleancës për një Kosovë të Re (AKR), ka thënë se ...
-
Daut Haradinaj me deklaratë të fortë: Ka përgjime më të rënda se këto të Kusarit me Radojçiqin
Anëtari i Kryesisë së Aleancës për Ardhmërinë e Kosovës (AAK), Daut Haradinaj...
-
Selmanaj thotë se Kusari-Lila është në gjendje të rëndë: Asnjë deklaratë nuk e ka të njejtë!
Deputeti i Lidhjes Demokratike të Kosovës, Driton Selmanaj ka komentuar bised...
-
Pacolli: Kam bërë gabim në votën për Qeverinë Kurti, Kosova ka ngecur në shumë fusha
Ish-presidenti Behgjeti Pacolli, duke reflektuar për punën e Qeverisë Kurti p...