Lajme

Ganimete Musliu u reagon fuqishëm liderëve pasi që nuk folën asnjë për përvjetorin e Myrvete Maksutajt

Autori: Era Berisha 21:28 | 04 December 2022

Deputetja e Partisë Demokratike të Kosovës, Ganimete Musliu, u ka reaguar të gjithë liderëve duke përfshirë edhe organizatat e grave pasi që asnjë nga ata nuk thanë asnjë fjalë për përvjetorin e rënies heroike të Myrvete Maksutaj, shkruan Gazeta inFokus.

Musliu përmes një postimi në Facebook, ka shkruar se mos-reagimi dëshmon çdo herë e më shumë mënyren tallava të të bërit politikë.

Gjithashtu Musliu ka shtuar se Maksutaj, do të jetë gjithmonë një grua shembull për të gjithë gratë e Kosovës.

-Advertisement-

“REAGIM ME SHKAS! Çdo ditë po dëshmojmë mënyrën tallava të të bërit politikë.

Gjithmonë sipas motos, një apo dy ditë

„tam-tam“ dhe kalojmë në trendin tjetër, sepse kështu po pëlqehet, kështu po e kërkon masa.

Sot u përkujtua një nga vajzat më emblematike të UÇK-së. Asnjë lider shtetror, pozite apo opozite grua apo burrë nuk ia kushtojë një min. kohë, nuk ia kushtojë një fjali .

Athua pse? A po pozicionohet qëllimshëm një profil viktimizues i grave në Kosovë?

Xheva sikur ka rënë nën hijen e bashkëshortit të saj!!! Fatimja po ashtu nuk përkujtohet siç e meriton!

Sot u përkujtua vajza heroike, 20 vjeçarja Mervete Maksutaj.

Politikanet tanë pa dallim heshtën. Heshten edhe organizatat e grave.

Rastet e fundit mos u perseritëshin më, por me feminizëm histerik nuk përmirësohet pozita e Gruas. Duke promovuar gratë në rolin e viktimës dhe ato që ngjajnë me objekte nuk edukohen brezat e ri me vetbesim dhe dinjitet.

Lavdi heroizmit tënd Mervete Maksutaj!

Vajzat si ti janë shëmbulli më i mirë i të vepruarit e barabartë. Vajzat si ti janë modeli më i mirë për të gjitha vajzat dhe gratë e Kosovës.”, ka shkruar Musliu./Gazeta inFokus/

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme