Deputetja e PDK’së, Ganimete Musliu, ka publikuar një e-mail, ku sipas saj, punëtorëve të Ministrisë së Bujqësisë, po u kërkohet që të punojnë edhe vikendit, si dhe të hënën, që është ditë pushimi shkaku i festës.

Përmes një postimi në llogarinë e saj në Facebook, Musliu ka thënë se po shkelen të drejtat e punëtorëve.

“Asnjeher nuk flas pa fakte dhe argumente dhe nuk them diçka qe nuk mund ta argumentoj. Para tre dite në një intërvistë në ATV thash se punëtoret e Ministrisë së   Bujqësisë, Pylltarisë dhe Zhvillimit Rural detyrohen të punojnë edhe të shtunave e të dielave(foto 1 pjese nga intervista)  dhe ja faktet në foton 2 ku përveç të shtunes (sot) punëtoret do të punojnë edhe të hënen kur e tërë administrata është në pushim me qe e hëna është ditë fesete. Po shkelen te drejtat e punëtorve, Ligji i punës dhe Ligji për festat zyrtare”, ka shkruar Musliu.

-Advertisement-

Ndryshe, para disa ditësh, Ministri i Bujqësisë, Faton Peci, gjatë raportimit para komisionit për Mjedis, Ushqim, Bujqësi, Planifikim dhe Zhvillim është përplasur me deputeten e Partisë Demokratike të Kosovës, Ganimete Musliu, rreth granteve për fermerët që ministria që drejton Peci i ka anuluar për herë të dytë.

Ishte deputetja e PDK-së ajo që i tha ministrit Peci se vendimi për anulimin e këtyre granateve dhe raporti që ai prezantonte sot janë kontradiktore dhe paragjykuese.

“Kjo çka shkruan në raport është total paragjykuese dhe nëse ka ndodhë anulimi për këtë kjo është e papranueshme”, tha Musliu.

Ndërkaq, ministri iu kundërpërgjigj Musliut se anulimi është bërë për shkak të gjeturave të auditorit. Ai e akuzoi Musliun se po flet të pavërteta teksa thotë se ministri po tenton të fsheh diçka rreth këtij procesi.

“E para nuk është kontradiktore, e dyta raportet nuk i shkruaj unë, por i lexoj dhe e treta çështja është se këtu janë përdorur dy argumente që janë komplementare njëra me tjetrën. Njëra prej arsyeve pse e kemi anulu këtë shpallje të dytë kanë qenë të gjeturat e auditorit që vlerësimi i granateve me këtë sistem nuk është parimor. E dyta krejt kjo tentativa me me pasyqyru kinse mu që po tentoj me mshefë kishe diçka që po tentoj me mshef diçka rreth këtij vendimi është e pavërtetë”, tha Peci.

Tutje Peci ka thënë se i gjithë vendimi për anulimin e shpalljes së dytë të granteve është bërë si masë preventive për shkak të paralajmërimeve të auditorit, shkruan Paparaci.

Mirëpo, deputetja Musliu nuk e përfundoi debatin këtu, ajo gjatë mbledhjes së këtij komisioni vazhdoi të insistonte se Ministria e Bujqësisë ka paragjykuar procesin e ndarjes së granteve dhe njëkohësisht fermerët që kanë aplikuar.

“Ata fermerë që i kanë plotësuar kriteret në bazë të thirrjes publike, ju keni bo të padrejtë. Sepse është formë paragjykuese, ju po paragjykoni se këtu do të ndodhin parregullsi pa e ditur se kush do të jetë në komision”, tha Musliu.

Sipas Musliut sikur ky vendim të merrej për shkak të prioriteteve më të mëdha të qeverisë sesa ndarja e fondeve, atëherë ajo do ta përshëndesë vendimin, por sipas saj ky vendim s’ka qenë i tillë, raporton Paparaci.

“Përshëndete të parën edhe të dytën”, i tha Peci Musliut, teksa përmendi arsyetimet e njëjta si dhe arrestimet e bëra nga organet e rendit në këtë ministri.

“Unë nuk e përshëndes këtë, se është prapë paragjykim”, iu kundërpërgjigj Musliu.

“Friendly, Suggest Gane”, shtoi Peci.

Deputetja e PDK-së i tha ministrit Peci se iu kanë hyrë në hak fermerëve dhe se ministria e tij po kryen shkelje mbi bazën e paragjykimit.

Faton Peci tha se i takon atij si ministër ta bëjë vlerësimin rreth anulimit të këtyre granteve. Si dhe shto se vetë kryeministri e ka vendosur këtë vendim në mesin e vendimeve të mira në 100 ditëshin e punës.

“Më takon mua më e bo vlerësimin. Unë them se janë dy arsye, nevoja për me e bo shpalljen dhe paralajmërimi i raportit të auditorit në të cilin thuhet se vlerësimi i granteve paraqet rrezikshmëri. Unë kam edhe informacione tjera të cilat nuk mund t’i diskutoj në komision për shkak se jam bashkëpunues me rendin”, tha Faton Peci.

Madje ministri i tha Musliut se e ka ofenduar në Kuvend dhe se i ka reaguar pas ofendimit të dytë që kjo e fundit i ka bërë atij.

|Po më ke ofenduar në Kuvend. Unë nuk të kam ofenduar, por kam reaguar pas dy ofendimeve që i ke bërë. E para në seancë e dyta në paraqitjen publike që e ke pas para kuvendit në të cilën ti më ke quajtur pinokioi. Kështu që ai është ofendim i rëndë që e e ke bo ti e unë s’të kam ofenduar askund”, tha ministri.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-