Rozë

Ganimete Musliu i reagon ashpër Zhaklinës pasi tha se ndihet e sigurt aty ku nuk ka shqiptarë

Autori: Gazeta inFokus 22:24 | 16 Maj 2023

Deputetja e Kuvendit të Kosovës, Ganimete Musliu, i ka reaguar ashpër opinionistes së edicionit të dytë të Big Brother VIP Albania, Zhaklin Lekatari.

Kjo pasi Lekatari në rrjete sociale ka postuar një fotografi ku shihet flamuri i Serbisë, ku edhe ka shkruar se ndihet e sigurt në vende ku nuk ka shqiptarë.

Deputetja Musliu përmes një instastory i është drejtuar duke i thënë se me serbët e ka të përbashkët gjuhën e urrejtjes ndaj shqipeve.

-Advertisement-

“”Feministja” Zhaklina thotë se ndihet e sigurt në atdheun e dhunuesve të 20.000 grave e vajzave të Kosovës dhe jo veç. Thotë se ndjehet e sigurt atje sepse nuk ka shqipe! Çfarë problemi ka me shqipet kjo grua? Urrejtje po mbjell, urrejtje do korrësh. Prandaj rri në Beograd Zhaklina sepse me ata ke të përbashkët gjuhën e urrejtjes ndaj shqipeve. Zot, shpëto shqipet nga feministet si Zhaklina”, ka shkruar Musliu.