Lajme

Ganimete Musliu bën thirrje për mbylljen e Gjykatës Speciale: Po shkel mbi parimet e drejtësisë kombëtare dhe ndërkombëtare

Autori: Gazeta inFokus 23:43 | 05 Dhjetor 2024

Deputetja e Partisë Demokratike të Kosovës (PDK), Ganimete Musliu, ka reaguar pas zhvillimeve të sotme dhe arrestimet e reja nga Gjykata Speciale.

Musliu ka thënë se kjo gjykatë po shkel mbi standardet e drejtësisë kombëtare dhe ndërkombëtare, shkruan Gazeta Infokus.

“Një gjykatë politike që po shkelë mbi standardet e drejtësisë kombëtare dhe ndërkombëtare duhet të mbyllet aty ku u krijua. Për më tej institucionet tona shtetërore, përveç që duhet të protestojnë për faktin që nuk po respektohet gjykim i paanshëm, duhet të bëjnë çmos që të ngrehin padi kundër atyre që fabrikuan fakte dhe dëshmi të rrejshme”, shkruan deputetja.

-Advertisement-

Musliu ka kërkuar drejtësi derisa ka akuzuar edhe që po fabrikohen dëshmi të rrejshme.

“Sot e përgjithmonë ata që i madhështoi historia nuk do të mund t’i gjunjëzojë dhe t’i dënojë tradhëtia. Duam drejtësi e jo zbatim të planeve të Çubrilloviçëve modern”, shkruan ajo.

Kujtojmë se sot në lidhje me zhvillimet në Speciale ka reaguar edhe PDK-ja.

“PDK ka mbështetur krijimin e kësaj gjykate, me besimin dhe garancitë e dhëna nga aleatët tanë se kjo gjykatë do të funksiononte mbi parime të qarta të transparencës dhe demokracisë. Çdo qytetar i Kosovës dhe secili i akuzuar ka të drejtë të trajtohet pa paragjykime, me paanshmëri dhe drejtësi të plotë. Por, parashtresat e fundit nga mbrojtja e katër të akuzuarve në këtë proces, kanë ngritur shqetësime serioze për trajtimin jo të drejtë, me brenga për shkeljen e parimit të baraizë dhe prezumimit të pafajësisë”, thuhet në reagimin e kësaj partie./Gazeta Infokus