Sport

Futbollisti i Premier League nën hetim, përdhunoi modelen sëbashku me mikun e tij

Autori: Gazeta inFokus 10:44 | 20 August 2018

Policia angleze po heton një futbollist të Premier League, pasi dyshohet se ka droguar dhe përdhunuar një modele në Londër.

“Daily Star” shkruan se të nesërmen e ngjarjes, modelja franceze iu është drejtuar autoriteteve.

Sipas viktimës, emri i së cilës nuk bëhet i ditur për arsye hetimore, ajo dhe miqtë e saj janë takuar me futbollistin në një klub në lagjen qendrore të Londrës, e më pas i janë drejtuar një apartamenti në Uestminster.

-Advertisement-

Modelja ka dëshmuar në polici se kishte pirë vetëm dy gota shampanjë dhe një vodka në klub, ku filloi të ndihej keq dhe të villte. Sipas saj, pasi këtij episodi, ata ishin kthyer në banesë dhe ajo ishte shtrirë në shtrat.

Modelja pohon se ishte zgjuar në mes të natës dhe kishte konstatuar se lojtari po kryente marrëdhënie seksuale me të. E hutuar dhe e dobët, ajo kishte humbur vetëdijen dhe ishte zgjuar më pas me mikun e futbollistit, i cili gjithashtu ishte përpjekur të bënte seks me të.

Përpara se ta denonconte rastin në polici, ajo i është rrëfyer shoqes së saj.

Subscribe në YouTube: GAZETA INFOKUSI