Sport

Futbollistët e Llapit stërviten nëpër borë

Autori: Gazeta inFokus 17:48 | 12 January 2022

Futbollistët e skuadrës së Llapit ka një javë që kanë filluar përgatitjet për stinorin pranveror që pritet të nisë në fillim të muajit shkurt, shkruan Gazeta inFokus.

Llapjanët gjatë ditës së mërkurë e kanë shfrytëzuar borën që ka rënë ditëve të fundit për të bërë vrapime në Parkun e Pishave në Podujevë.

Të pranishëm në stërvitje kanë qenë pjesa më e madhe lojtarëve, të cilët edhe sot janë parë në disponim të mirë.

Llapi fazën kryesore përgatitore do ta kryej për rreth dy javë në Antalia të Turqisë, ku edhe do ti zhvilloj disa ndeshje miqësore.

Ekipi i drejtuar nga Tahir Batatina do ta nisë pjesën e dytë të kampionatit nga pozita e katërt me 29 pikë, 6 me pak se Gjilani që kryeson tabelën.

Krahas ‘luftës’ për titull kampion, llapjanët janë në garë edhe për Kupën e Kosovës, ku në çerekfinale do të takohen me Ferizajn.

Më poshtë keni pamje të stërvitjeve të Llapit gjatë kësaj të mërkure në Podujevë./Gazeta inFokus/

Të tjera