Fushë Kosova që tri javë pa pediatër
Autori: Gazeta inFokus 13:56 | 19 June 2022
Tash e tri javë komuna e Fushë-Kosovës ka mbetur pa shërbimin pediatrik, pasi pediatri i vetëm në këtë komunë është pensionuar. Derisa qytetarët po kërkojnë që sa më parë ky shërbim të kthehet në Qendrën Kryesore të Mjekësisë Familjare, në komunë thonë se tashmë konkursi për pediatër është hapur.
Besiana Ajvazi-Avdiu e kishte sjell vajzën e saj për kontroll te pediatri, por u detyruar që këtë shërbim mjekësor ta marrë te mjeku familjar.
Ajo thotë se frikësohen t’i kontrollojnë fëmijët te mjekët e përgjithshëm, pasi mundësia e shpërndarjes së infeksioneve është më e madhe.
“E kam sjellë fëmijën për kontroll te mjeku, tash e disa kohë nuk ka pediatër në shtëpinë shëndetësore në Fushë-Kosovë, kështu që shërbimet po i kërkojmë te mjeku familjar për momentin më duhet një raport mbi gjendjen shëndetësore të fëmijës për regjistrim të fëmijës në kopsht, dhe këtë raport më thanë ta kërkoj te mjeku familjar…..Deri tani ka qenë shumë mirë e ndarë pjesa e pediatrit dhe nuk është dashur me u përzier me njerëz të tjerë këtu poshtë. Sigurisht që ne kemi frikën kur i sjellim fëmijët se marrin ndonjë infeksion tjetër, dhe sigurisht që personi adekuat për kontrollimin e fëmijës është pediatri dhe kishim pas dëshirë me pas pediatrin prapë“, u shpreh kjo nënë.
E tejet e shqetësuar për mungesë të mjekut pediatër në Qendrën Kryesore të Mjekësisë Familjare në Fushë-Kosovë është shprehur Belkize Krasniqi.
“Moti nuk është, shumë keq që nuk ka pediatër në Fushë-Kosovë, nuk ka pediatër këto për momentin, ka pas më herët por për momentin nuk ka…Shumë keq më herët e vërejta që u kthyen disa prindër me fëmijë të vegjël pasi nuk ka pediatër. Shumë keq që nuk ka në Fushë-Kosovë“, u shpreh ajo.
Drejtori i Qendrës Kryesore të Mjekësisë Familjare, Osman Maxhera tha se aktualisht kjo Qendër nuk ka pediatër pasi janë pensionuar, por theksoi se pacientët këto shërbime mund t’i marrin te mjeku familjar.
Sipas tij, shërbimet pediatrike janë shërbime që nuk parashihen të ofrohen në kujdesin parësor shëndetësor.
“Aktualisht nuk ka pediatër në QKMF, pediatri i cili ka qenë, kanë qenë dy pediatër, njëri ka dal në pension më herët, kurse më 1 qershor i ka përfunduar kontrata e punës dhe ka shkuar në pension pediatri tjetër aktualisht jemi pa pediatër…..Pediatri në kujdesin parësor sipas udhëzimit administrativ nuk është i planifikuar, kanë qenë këta të punësuar deri në pensionim, ka pasur edhe alternativa tjera për komunat që nuk kanë maternitet apo spital regjional me iu mundësuar me vazhduar punën pediatri dhe gjinekologu. Prindërit mund t’i kontrollojnë te mjeku familjar, të cilët janë kompetent të licencuar për atë pjesë të punës, në rast nevoje mund të referohen në QKUK. Normalisht janë mësuar prindërit me shkuar drejt te pediatri, por tash ta shikojmë“, theksoi ai.
Kurse, zëdhënësi i komunës së Fushë-Kosovës, Ali Topalli u shpreh se tashmë është hapur konkursi për pediatër dhe shpejt presin që ky shërbim mjekësor të ofrohet për banorët e kësaj komune.
“Komuna është duke ndërmarrë të gjitha hapat dhe procedurat konform ligjeve. Për momentin e kemi të shpallur konkursin për pranimin e një pediatri dhe jemi në pritje të aplikantëve dhe sigurisht që pas përfundimit të kësaj do të zgjidhet edhe problemi i vendit të punës dhe do të vije deri tek një pediatër që do të merret me trajtimin e rasteve për qytetarët e Kosovës”, theksoi Topalli.
E Kujdesi Parësor Shëndetësor në Fushë-Kosovë tash e saj muaj është ballafaquar edhe mungesë të stafit mjekësor dhe infermieror./kp
Të tjera
-
Nisin zgjedhjet në Indi: 969 milionë njerëz kanë të drejtë vote
Vendvotimet u hapën të premten në fazën e parë dhe më të madhe të zgjedhjeve ...
-
Analisti amerikan Daniel Serwer tregon arsyet për të cilat Serbia i frikësohet anëtarësimit të Kosovës në KiE
Serbia është aktualisht e angazhuar në një fushatë të egër për të bllokuar an...
-
Von Cramon optimiste për anëtarësimin e Kosovës në KiE, por tregon çka kërkojnë disa shtete
Raportuesja për Kosovën në Parlamentin Evropian, Viola von Cramon, është opti...
-
Votimi për largimin e kryetarëve në veri, KQZ mban mbledhje në ora 14:00
Komisioni Qendror i Zgjedhjeve do të mbajë sot mbledhje, me fillim nga ora 14...
-
Shefi i CIA-s: Ukraina mund të humbë pa ndihmën e SHBA
Shefi i CIA-s paralajmëroi se Ukraina mund ta humbasë luftën pa ndihmën e SHB...
-
Bilall Kasami: Një telefonatë se Serbia po bën manovra në kufi me Kosovën, ia pamundësoi Kurtit ardhjen në Berlin
Përfaqësues së koalicionit VLEN që po garon në zgjedhjet e Maqedonisë së Veri...
-
O’Brien sot në Beograd, do të takohet me udhëheqësit e Serbisë
Ndihmëssekretari amerikan i Shtetit për Evropën dhe Euroazinë, James O’Brien,...
-
Valon Murati kritikon Kurtin: Nuk është kohë e mburrjeve
Valon Murati nga Lëvizja për Bashkim ka drejtuar kritika në drejtim të kryemi...
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...