Lajme

Fushatë me premtime të parealizueshme

Autori: Gazeta inFokus 08:13 | 02 June 2017

Premtimet e bëra në nisje të fushatës zgjedhore nga tri blloqet politike, koalicioni PDK-AAK-Nisma, koalicioni LDK-AKR-Alternativa dhe “Vetëvendosja”, vlerësohen si të parealizueshme. Analistët politikë thonë se premtimet e tyre janë megalomane dhe nuk mund të jetësohen në afate rekorde, siç po premtojnë kandidatët për kryeministër.

Partitë politike para dy ditësh kanë nisur zyrtarisht fushatën zgjedhore, me ç’rast “kanë shpërthyer” me premtime të shumta për elektoratin.

Të tria blloqet, koalicioni PDK-AAK-Nisma, koalicioni LDK-AKR-Alternativa dhe “Vetëvendosja”, janë zotuar për çështje të shumta, siç është rritja e buxhetit të shtetit, investimi në shëndetësi e deri te liberalizimi i vizave për një afat rekord tremuajsh.

-Advertisement-

Mirëpo, njohësit e çështjeve politike në Kosovë konsiderojnë se pjesa dërrmuese e premtimeve i të tre taborëve janë vetëm elektorale dhe vështirë të realizueshme, kjo pasi shumica e premtimeve të kandidatëve për kryeministër janë gati se të pamundura të realizohen në një kohë kaq të shkurtër, si janë zotuar ata. Megjithatë, ata thonë se një gjë e tillë nuk është diçka e papritur për fushata elektorale, porse partitë, siç shprehen analistët, nuk duhet të japin premtime megalomane.

Subscribe në YouTube: GAZETA INFOKUSI