Furnizimi me energji, i vështirë gjatë dimrit
Autori: Gazeta inFokus 07:42 | 06 October 2022
Furnizimi me energji elektrike në Kosovë, mund të jetë i vështirë gjatë periudhës së dimrit. Kështu kanë deklaruar përfaqësuesit e qeverisë dhe ekspertët e energjisë. Ndërkohë, kapacitetet aktuale të prodhimit të energjisë elektrike në Kosovë nuk përmbushin nevojën e kërkesës për energji elektrike në baza tarifore.
Ekspertët thonë se duhet të investohet në kapacitete të reja gjeneruese, ndërsa shprehën nevojën e bashkëpunimit me vendet e rajonit.
Nevojat e Kosovës për energji elektrike i tejkalojnë kapacitetet e prodhimit, sidomos gjatë dimrit. Kosova ka kapacitet të prodhojë rreth 800 megavat në orë, kurse nevojat e saj në dimër arrijnë deri në 1 mijë e 300 megavat në orë. Ndërkohë, kjo diferencë zakonisht importohet nga jashtë. Eksperti i energjetikës, Ethem Çeku, ka thënë për Radio Kosovën se arsyeja e krijimit të kësaj situate në vend, është se politikat e Kosovës janë orientuar më shumë në blerje të energjisë elektrike. Ai theksoi se Kosova i mban termocentralet me remonte të vogla, që shtyjnë nga një vit. Çeku tha se blloqet e Kosovës janë të stërvjetruara dhe është e pamundur të mbahen gjatë, derisa theksoi se nuk është investuar në kapacitete të reja gjeneruese.
“Nuk u ndërtuan kapacitete të reja gjeneruese, nuk u zhvillua sektori i energjisë alternative, u orientua gabimisht në energjinë e hidros dhe u bënë blerje të energjisë elektrike. Kosova nuk i përmbushë nevojat, sepse nuk i kemi në prodhim të gjitha kapacitetet. Sikur të ishin në prodhim blloqet e Kosovës A, që në kapacitetet prodhuese mund të prodhojnë deri në 800 e disa megavat dhe dy blloqet e Kosovës B, hidrocentralet e Ujmanit dhe ndihmesa nga energjia alternative, ne nuk do të kishim telashe”, tha Çeku.
Çeku tha se në këtë rast, Qeveria e Kosovës në bashkëpunim me Shqipërinë dhe vende të tjera të rajonit, të planifikojë ndërtimin e kapaciteteve të reja gjeneruese në Kosovë.
“Një shkëmbim ndërmjet Kosovës dhe Shqipërisë, hidros dhe termos do të ishte perfekt, duke parë se është ndërtuar edh linja 400 kilovatësh. Ndoshta është momenti i fundit që qeveritë e vendeve: Kosovës, Shqipërisë dhe Maqedonisë, pse jo edhe e Malit të Zi, të shohin mundësinë e bashkëpunimit në fushën e energjisë, qoftë alternative, apo siç e ka Kosova në fushën e linjitit që është nga fushat më të pëlleshme, e që mund të përdoret për zhvillimin e kapaciteteve të reja të energjisë”, tha ai.
Ndërkohë, eksperti i energjetikës nga Shqipëria, Lorenc Gordani, ka thënë se duhet të shikohet mundësia e bashkëpunimit ndërmjet Shqipërisë, Kosovës e Maqedonisë, për ndërtimin e një kompanie të përbashkët që do të referonte direkt në bursë.
“Tre vendet të bëjnë blerje të përbashkët. Do të ishte zgjidhje optimale të kishim një zë më të rëndësishëm që blen direkt në treg dhe që përfiton nga ato që janë, pasi tregu sjell edhe avantazhe”, tha Gordani.
Sipas KEDS-it, janë bërë disa përgatitje për dimër, ndërsa konsumi i energjisë elektrike në Kosovë është i lartë, për shkak se shumë amvisëri ngrohen me energji elektrike, duke përdorur pajisje joefiçiente.
Ndërkohë, Kuvendi i Kosovës miratoi vendimin e qeverisë për zgjatjen e masave emergjente në furnizimin e energjisë. Me herët ministrja Artane Rizvanolli, ka treguar për masat që janë ndërmarrë për kursim të energjisë, ku ndër to është ndaluar eksporti e ri-eksporti i produkteve të drurit dhe lëndëve djegëse, është shfuqizuar vendimi për ndalimin e dhënies së thëngjillit për punëtorët e KEK-ut dhe të gjitha këto janë bërë me rekomandim të Komitetit Teknik Emergjent. Rizvanolli, ka thënë se subvencionimi i energjisë do të vazhdojë edhe në muajt në vijim, ndërsa bëri të ditur se Qeveria ka ndarë 6 milionë euro me qëllim të subvencionit të konsumatorëve fundorë për zbatimin e masave për kursim të energjisë.
Të tjera
-
Nëna dhe babai i Thaçit marrin sërish rrugën e largët nga Kosova në Holandë për t’u çmallur me djalin e tyre
Pas një periudhe të gjatë që nuk e kishin parë djalin e tyre, prindërit e ish...
-
Kurti: Shtetet e Bashkuara, aleatja historike e Kosovës
Kryeministri Albin Kurti, ka thënë se “Shtetet e Bashkuara të Amerikës janë a...
-
Marrëveshja mes Kosovës dhe ShBA-së, Hovenier: Ky është një hap i rëndësishëm
Ambasadori i ShBA-së, Jeffrey Hovenier, ka thënë se është i nderuar që ishte ...
-
Ambasadori italian: Letra e Gërvallës, e pavlefshme
Italia konsideron se nuk është i vlefshëm zotimi për krijimin e draft statuti...
-
Kroacia nesër e nis kontigjentin e 41-të në Kosovë në kuadër të KFOR-it
Ministria kroate e Mbrojtjes ka bërë të ditur se nesër do të mbahet ceremonia...
-
Shkarkohet kryetari i Sindikatës së Policisë së Kosovës, Imer Zeqiri
Sindikata e Policisë së Kosovës sot ka mbajtur kuvendin e përgjithshëm, që e ...
-
Nënsekretarja amerikane: Kosova bën pjesë në BE dhe NATO
Pas presidentes Vjosa Osmani, nënsekretarja amerikane për Diplomacinë Publike...
-
Njohja e pavarësisë së Kosovës dhe mbështetja e rezolutës së Srebrenicës, Vuçiq: Mali i Zi e shkeli Serbinë
Presidenti serb, Aleksandar Vuçiq, ka theksuar sot se të enjten në seancën e ...
-
Cameroni pritet ta vizitojë Shqipërinë
Sekretari i Jashtëm britanik, David Cameron, javën e ardhshme pritet ta vizit...
-
Platforma e parë inteligjente e nxjerrjes së naftës detare instalohet në Detin e Kinës Jugore
Platforma e parë inteligjente e nxjerrjes së naftës detare e Kinës, "Huizhou ...
-
Nënsekretarja e ShBA-së: Kosova të ec para me Asociacionin
Nënsekretarja e ShBA-së për Diplomacinë Publike, Elizabeth Allen, ka deklarua...
-
Osmani: Fushatat dezinformuese janë kër*ënim për sigurinë kombëtare të Kosovës
Presidentja e Kosovës Vjosa Osmani, ka thënë se fushtat dezinformuese paraqes...