Fundi i Koronavirusit në Kosovë
Autori: Gazeta inFokus 18:40 | 20 May 2020
Virusi vdekjeprurës në Kosovë tanimë ka marrë teposhtën.
Në vend tanimë janë të shëruar 769 persona të infektuar me Covid-19 dhe janë vetëm 191 raste aktive.
IndeksOnline ka kontaktuar me pesë komunat më të prekura nga koronavirusi.
Ndër komunat me numrin më të madh të rasteve pozitive me Covid-1i janë: Ferizaj me 134 raste pozitive, 91 raste pozitive në Prizren, 83 raste në Prishtinë, 79 raste në Gjilan dhe 76 persona të infektuar në komunën e Malishevës.
E në të gjitha këto komuna virusi tanimë është duke u shuar.
Bekim Ademi, drejtor i shëndetësisë në komunën e Ferizajt për IndeksOnline ka thënë se prej 134 raste janë shëruar 97 persona.
Ndërsa janë vetëm 35 raste aktive.
“Raste aktive kemi 35 persona pozitiv, kemi 2 persona te vdekur, 97 persona të shëruar, 134 persona është totali! Teste do ketë edhe sonte, shumica janë ritestime.
Masat po respektohen si në të gjitha qytetet, policia dhe inspektorati komunal janë duke përcjellur me kujdes situatën”, tha ai.
E në qytetin që tërhjek tursitë më shumë në Kosovë tanimë janë shëruar 67 persona ndërsa janë vetëm 24 raste aktive dhe dy viktima.
“Mbrëmë janë bërë 3 ritestime dhe 7 apo 8 persona të kontaktit, ndërkohë që të gjithë kanë rezultuar negativ, pra personat e gjurmimit të kontakteve ndërsa prej tre ritestrimeve nëse edhe sot bëhet ritestimi i tyre dhe dalin negativ konsiderohen të shëruar. Kemi 24 raste aktive, 67 të shëruar dhe dy viktima”, tha Visar Shehu, drejtor i shëndetësisë në komunën e Prizrenit.
Shehu për IndeksOnline, ka thënë se qytetarë nuk po i respektojnë edhe shumë masat e Qeverisë për parandalimin e pandemisë.
” Ka dalje të qytetarëve, policia është duke bërë shpërndarjen e tyre çdo natë, mbrëmë nuk i ka lejuar qytetarët të hyjnë në shadërvan ose ua ka kontrolluar numrat e letërnjoftimit ata që kanë tentuar të hyjnë që a kanë të drejtë të hyjnë apo jo.
“Faktikisht nuk po i respektojnë ashtu si duhet masat sidomos pas lehtësimit të masave në fazën e dytë, migjithatë policia është duke i vëzhguar dhe duke kryer punën e tyre”, tha ai.
Gjendje e mirë po shihet të jetë edhe në kryeqytetin e Kosovës.
Në Prishtinë tanimë janë shëruar 67 persona prej 84 të infektuarve, e dy viktima.
Bujar Gashi, drejtor i shëndetësisë në komunën e Prishtinës, për IndeksOnline ka thënë se janë vetëm 15 raste aktive me Covid-19.
“Sot nuk do të ketë testime, pasi e kemi pasur vetëm një rast pozitiv edhe ai nuk ka qenë nga komuna jonë. Në infektivë ka mundësi që të ketë testime dhe në terren, eventualisht në konvikte. Ndërsa kemi 15 raste aktive”, tha Gashi për IndeksOnline.
E në komunën e Malishevës që janë infektuar në masë të madhe për një kohë të shkurtër me koronavirus, janë shëruar thuajse të gjithë.
Ragip Begaj, kryetar i Malishevës, për IndeksOnline ka thënë se dy personat e fundit me koronavirus janë në proces të shërimit dhe shuhet ky virus atje.
“76 gjithsej të infektuar kemi ndërsa 73 të shëruar, 1 i vdekur dhe dy janë në proces të shërimit, po presim që në ditët në vijim të shërohen të gjithë. Nuk pritet të ketë teste këto ditë.
Qytetarët po dalin tanimë nga shtëpitë pasi janë mbylur që dy muaj e nuk po durohen me nejt ende”, tha ai.
Ndërsa, kryetari i Gjilanit Lutfi Haziri, ka thënë se 79 persona janë infektuar, 49 të shëruar, dhe dy viktima.
Përndryshe, sot është marrë një numër i madh i mostrave, për të cilën është konfirmuar nga Qendra Rajonale e Shëndetit Publik, për rezultatet e të cilave qytetarët e Gjilanit do të njoftohe me kohë.
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...