Lajme

Ftesa e Kurtit për Abdixhikun, Abazi: Sa më larg tij, aq më afër Demokracisë

Autori: Gazeta inFokus 14:05 | 07 Prill 2025

Ish-anëtari i Vetëvendosjes dhe tash pjesë e Aleancës për Ardhmërinë e Kosovës (AAK), Haki Abazi, ka reaguar pas ftesës që kryeministri Albin Kurti i ka bërë kreut të LDK-së, Lumir Abdixhikut, për konsultime politike, shkruan Gazeta Infokus.

Përmes një postimi në Facebook, Abazi ka bërë një krahasim të ashpër mes Kurtit dhe “majtistëve jugosllavë”, duke e akuzuar për qasje manipuluese ndaj bashkëpunimeve politike.

“Majtistët jugosllavë kërkojnë bashkëpunim kur u bëhen pick, dhe atë për të mbajtur afër e në mundësinë e parë të fusin thikën në shpinë! Sa më larg Kurtit, aq më afër demokracisë!”, ka shkruar Abazi.

-Advertisement-

Reagimi i tij vjen në një kohë kur Kurti ka nisur kontakte me liderët politikë për krijimin e një qeverie të re pas zgjedhjeve të 9 shkurtit, ndërsa LDK ka konfirmuar se ka marrë ftesë për takim nga kryeministri.