Lajme

“Fshihej në një fabrikë të braktisur, shtiu disa herë në drejtim të policisë” – detajet të reja nga vrạsja e Faton Hajrizit

Autori: Gazeta inFokus 14:45 | 19 July 2024

Faton Hajrizi u vra në një fabrikë të braktisur jo larg vendit ku 36 orë më parë vrau policin Nikolla Krsmanoviq dhe plagosi Vjekoslav Iliq.

Siç raportojnë mediat në Serbi, ai nuk ka pranuar të dorëzohet dhe ka qëlluar me një numër të madh të shtënash në drejtim të policëve serbë.

Siç shkruan mediumi Nova.rs, ai ka qëlluar në drejtim të efektivëve të policisë që e kanë rrethuar dhe ata kanë shpëtuar nga jelekët antiplumb dhe helmetat që kishin.

-Advertisement-

Zëvendëskryeministri dhe ministri i Brendshëm i Serbisë, Ivica Daçiq tha se vrasësi i policit është vrarë.

Hajrizi, sipas informacioneve tona, është nisur për në Banjë të Koviljaçës, por nuk ia ka dalë, prandaj është fshehur në një kompleks të braktisur të fabrikës, ku prej vitesh fshihen mërgimtarët nga Presheva, në pritje të një “lidhjeje” për të ikur.

Hajrizi është shpallur sot në kërkim pasi është identifikuar si i dyshuari kryesor për ngjarjen në Lloznicë të mërkurën në mbrëmje.

Të shtënat me armë kanë ndodhur kur policët gjatë një kontrolli rutinë kanë ndaluar një automjet me targa turke. Në vend është gjetur një pasaportë e Kosovës dhe një letërnjoftim gjerman në emër të Artan Hajrizit.

Ministri serb Ivica Daçiq ka thënë se ka qenë sulm terrorist, andaj rastin e mori përsipër Prokuroria për Krim të Organizuar.

Subscribe në YouTube: GAZETA INFOKUSI