Fshati i harruar
Autori: Gazeta inFokus 08:35 | 09 January 2018
Velegllava, njëri ndër fshatrat e pjesës verilindore të komunës së Kamenicës, dikur kishte rreth 30 shtëpi, por pas viteve të ’70-ta fshati pothuajse u boshatis tërësisht.
Tashmë Velegllava i ka vetëm dy shtëpi. Braktisja e fshatit nga banorët ndodhi për shkak të mungesës së kushteve për jetesë dhe siç thonë ata, edhe për shkak të rrezikut që u vinte nga Serbia.
Velegllava kufizohet me katër komuna që gjenden në Serbi, njëra prej tyre me shumicë shqiptare: Bujanoci, Medvegja, Lebana dhe Vranja.
Ata që janë duke jetuar në Velegllavë mbijetesën e sigurojnë përmes bujqësisë, por edhe në këtë vit ata përpos shkollës nuk kanë as qendër mjekësore. Qendra mjekësore më e afërt është në fshatin Roganë të Kamenicës, mbi 20 kilometra larg.
Në dy shtëpitë e mbetura në Velegllavë janë dy vajza të vogla, të cilat vijojnë shkollimin pavarësisht kushteve të rënda atmosferike, sidomos gjatë dimrit, kur ka raste që trashësia e borës kalon njëmetërshin.
Aurora dhe Anita janë vajza të axhës, të cilat vinë nga një familje velegllavase dhe vijojnë mësimet në shkollën më të afërt për to, atë të Velegllavës.
Aurorës 8-vjeçare dhe Anitës 10-vjeçare i duhet t’i kalojnë mbi 3 kilometra rrugë, të mbushur me baltë e përplot me ujë, për të mbërritur në shkollën e fshatit të Velegllavës.
Ato janë dy vajzat e vetme të shkollës së Velegllavës, ndonëse të reja në moshë të dyja e kuptojnë që rruga që ato duhet të ecin për në shkollë nuk është si e fëmijëve të tjerë, është shumë më e komplikuar se aq, shumë më e keqe se aq, sidomos gjatë dimrit, kur kalimi në të bëhet gati se i pamundur, shkruan sot Gazeta “Zëri”.
Atyre u duhet t’i ndërrojnë çdo ditë çizmet e gjata deri në gju për ta kaluar rrugën, të cilën nuk interesohet askush që të paktën t’ua lehtësojë të dyja vajzave të vogla.
Ndonëse vinë nga një familje dy vajzat e axhës shoqërohen çdo ditë nga axha i tyre, që njëkohësisht punon në shkollën ku vajzat vijojnë mësimet. Kjo për arsye se, siç thotë ai, nuk është i sigurt që t’i lejojë ato ta kalojnë rrugën vetëm për shkak të pasigurisë dhe rreziqeve që mund t’i hasin gjatë rrugës, shkruan tutje Gazeta “Zëri”.
Drunjtë në njërën anë, një burim uji në anën tjetër dhe në mes dy shtylla të futbollit të ndërtuara me drurë janë pamja që dy vajzat e hasin çdo ditë në oborr të shkollës.
Edhe Aurora, edhe Anita kanë mësuesen e përbashkët: Rabije Marovca, e cila ua mëson atyre gjuhën shqipe dhe letërsinë, si dhe lëndën e matematikës. Njësoj sikur vajzat, edhe mësuesja Rabije duhet ta kalojë të njëjtën rrugë për të ardhur në shkollë.
Ajo tregon për rrugën që vajzat dhe ajo duhet ta kalojnë vetëm e vetëm për të shkuar në shkollën e Velegllavës, shkollë kjo e cila shpeshherë ua pamundëson mbajtjen e mësimit në mungesë të nxehëses. Ato ngrohen vetëm me një oxhak me dru, i cili nuk arrin ta ngrohë plotësisht dhomën ku ato mbajnë mësimet.
Por, pavarësisht sakrificave, dy vajzat e vogla thonë që ato vinë me dëshirë në shkollë.
E sigurisht që nëse duhet t’i zgjedhin stinët, mes verës dhe dimrit ato preferojnë verën, pasi që rruga është e terur dhe nuk ka probleme të tilla, që do t’i ndalnin ato që të shkojnë në shkollë.
Për Aurorën mbesin edhe 3 klasë, ndërsa për Anitën edhe një klasë, periudhë kjo që u duhet ta kalojnë ato në këto kushte dhe me këto sakrifica për ta filluar sfidën e radhës drejt shkollimit të tyre. Ato pas klasës së 5-të duhet ta vazhdojnë mësimin në fshatin Desivojc, që është afër Velegllaves, por që nuk e lehtëson aspak rrugën që ato do të duhet ta kalojnë çdo ditë.
Ashtu siç i gjetëm vajzat, ashtu edhe i lamë, të kapura dorë për dore drejt çdo sfide që atyre u del para.
Edhe pse ndryshe nga shumë fëmijë të tjerë, për të cilët këto probleme mund të jenë të paimagjinuara, për to janë sfida ditore.
Anitën dhe Aurorën nuk i ndal asgjë, edhe sikur rruga të përmbysej plotësisht ato do ta gjenin një rrugë të re për të mbërritur në shkollën e tyre.
Të tjera
-
Ish-policit në Zubin Potok i konfiskohet ar*ma dhe disa pjesë të uniformës
Gjatë kontrollit në shtëpinë e një të dyshuari në Zubin Potok, ish-pjesëtar i...
-
Kurti: Nuk i ndalim ndihmat për serbët, por ato duhet të bëhen në euro
Kryeministri i Kosovës, Albin Kurti, ka thënë se vendimin për çështjen e euro...
-
Haradinaj kujton betejën e Pozharit dhe masakrën e Izbicës: Dëshmi të dhembjes e vuajtjes, krenarisë e heroizmit
Kryetari i Aleancës për Ardhmërinë e Kosovës, Ramush Haradinaj ka kujtuar Bet...
-
AMMK: Gjendje e rëndë e ajrit në Kosovë
Agjencia për Mbrojtjen e Mjedisit të Kosovës, ka thewksuar se të mërkurën cil...
-
Franca padit adoleshenten myslimane që dyshohet se gënjeu se është goditur nga mësuesja e saj
Shteti francez do të ngrejë një padi kundër një adoleshenteje muslimane, e ci...
-
Rritet numri i turistëve të huaj që vizitojnë Kosovën
Numri i turistëve të huaj që vizitojnë Kosovën është duke u rritur dita ditës...
-
Daçiq i zemëruar ndaj Dora Bakoyannis, shkak raporti për Kosovën në KiE
Ministri i Punëve të Jashtme të Serbisë, Ivica Daçiq është shfaqur i zemëruar...
-
Dy persona gjenden të vd*ekur në Prishtinë në dy raste të ndara
Dy persona janë gjetur të vdekur në Prishtinë, në dy raste të ndara. Në ra...
-
Kurti: Masakra ndaj familjeve Bogujevci, Duriqi, Llugaliu na kujton sa i lartë ishte çmimi i lirisë
Kryeministri Albin Kurti, ka bërë homazhe te varrezat e anëtarëve të vrarë t...
-
Osmani përkujton masakrën e Izbicës: Dëshmi për rrugën e vështirë nëpër të cilën kaluam
Presidentja e Kosovës, Vjosa Osmani kujtoi ka përkujtuar 25-vjetorin e masakr...
-
Ndahen tetë milionë euro për 11 komuna
Ministri i Administrimit dhe Pushtetit Lokal, Elbert Krasniqi, ka njoftuar se...
-
Tetë mjekë dhe dy profesorë s’e kanë deklaruar fare pasurinë, ja lista
Më 12 mars ka qenë afati i fundit kur mjekët dhe profesorët është dashur të b...