Rajoni dhe Bota

Frikë në Florida/ Pritet stuhia përbindësh e rërës nga shkretëtira!

Autori: Gazeta inFokus 13:54 | 18 June 2021

E quajtën “Goxilla”, sepse stuhia e rërës e qershorit 2020 ishte një përbindësh i vërtetë thonë mediet lokale.

Rëra dhe pluhuri me origjinën nga Saharaja e largët, arriti të errësonte qiellin e të degradonte cilësinë e ajrit në të gjithë Karaibet e deri në Kansas, dhe tani, meteorologët presin përsëritjen e fenomenit në Gjirin e Meksikës, i cili mund të paralizojë deri edhe Floridën. Satelitët e NASA-s diktuan një re gjigande tymi të ngrihej nga Senegali e Gambia në 4 qershor dhe tre ditë më pas, ajo ishte në mes të Atlantikut dhe po i drejtohet Amerikës, e mund të shkojë edhe përtej saj, shkruan shtypi vendas.

60 milionë tonë pluhur ngrihen çdo vit nga Saharaja në atmosferë. Fenomeni ka disa efekte mbi klimën e planetit tonë, e një prej tyre është ndikimi i mirë-dokumentuar në formimin e uraganëve. Edhe pse mund të transportojë lëndë ushqyese të dobishme për oqeanin dhe jetën e bimëve sidomos në Amazonë, për njerëzit, megjithatë, mund të jetë i dëmshëm, pasi dëmton cilësinë e ajrit pranë sipërfaqes.

-Advertisement-

Kërkimet e fundit të NASA sugjerojnë megjithatë se stuhitë përbindësh të rërës mund të vijnë në rënie në dekadat e ardhshme, e këtë agjencia ia atribuon një kombinimi të proceseve natyrore dhe aktivitetit njerëzor.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera