Sport

Frika nga tërmetet, futbollisti i Kukësit kërkon largimin

Autori: Gazeta inFokus 21:38 | 03 December 2019

Futbollisti i Kukësit, Tome Kitanovski, është larguar nga Shqipëria në drejtim të Maqedonisë, për shkak se ka frikë nga tërmetet që kanë tronditur vendin tonë.

Drejtuesit e klubit mendonin se mbrojtësi do të rikthehej sërish, por 27 vjeçari e ka ndarë mendjen të largohet përfundimisht nga verilindorët.

Për më tepër, Kitanovski është gati të heqë dorë nga çdo detyrim financiar që Kukësi ka ndaj tij, vetëm në mënyrë që të ndërpresë kontratën dhe të qëndrojë në vendlindje. Maqedonasi u transferua te Kukësi gjatë merkatos së verës.

-Advertisement-

Kitanovski ka qenë një lojtar shumë i rëndësishëm për Duron, pasi ka luajtur 11 nga 13 takimet e Superiores titullar (dy nga stoli).