Frazat “hajnat në burg”, “vdekje fashizmit, liri popullit” nuk janë program- Zyrtari i AAK-së akuza të forta në drejtim të VV-së
Autori: Gazeta inFokus 13:32 | 24 April 2021
Aleanca për Ardhmërinë e Kosovës beson se Qeveria Kurti nuk ka plane se si të udhëhiqet me vendin, përndryshe do të kishin pasur planin qeverisës brenda dy ditëve të ardhjes në pushtet. Sipas kësaj partie, i gjithë spektri politik në vend duhet të ketë një kornizë të qartë për dialogun me Serbinë.
Nënkryetari i AAK-së, Ardian Gjini, thotë se nga ajo që është parë deri më tash del se qeveria Kurti nuk ka ide të qartë se çka duhet të bëjë kur është në pushtet.
Sipas tij, përkthimi i ideve qeverisëse në plan qeverisës është shumë i lehtë. Për këtë thotë se Vetëvendosje ka dhënë vetëm fraza dhe jo një program konkret me të cilin do të qeveriste.
“Ka kaluar koha kur një zyrtar i larte publik i merr 50 mijë euro në vit paga e shtesa”
“Në kushte normale, në demokraci normale plani qeverisës kryhet për dy ditë sepse partitë politike para se me ardhë në pushtet e kanë të qartë çka duan me bë… Por, nëse nuk ka ide qeverisëse atëherë me siguri edhe plani qeverisës merr shumë kohë dhe ka me qenë plan ‘ad-hoc’, çka t’i bien në mend”. Po duket që situatën e tillë e ka shkaktuar bindja në atë kohë, e drejtë e Vetëvendosjes se ka me i fitua zgjedhjet dhe mosmarrja fare e mundit për të ndërtua program elektoral. Frazat nuk janë program, ‘hajnat në burg’, ‘shkoi ky, erdhi ai’, ‘rroga e vogël, fitimi i madh’, këto janë fraza sikurse ‘vdekje fashizmit, liri popullit’, frazat nuk bëjnë program. Në fakt unë kam dëshirë të paktën kjo qeveri me kaq shumë numra me i dhënë Kosovës diçka, mos me humbë koha. Çka po shoh deri tash nuk ka ndonjë program, nuk ka ndonjë ide të qartë se çka duhet të bëjë në pushtet”, tha ai për KosovaPress.
Sa i përket dialogut me Serbinë, Gjini thotë se duhet të krijohet një kornizë e qartë për atë se çka është e pranueshme dhe cili duhet të jetë modeli i negociatave me Serbinë.
Sipas tij, në dialog me Serbinë duhet të bashkohet i gjithë spektri politik.
Nëse ka insistim ndërkombëtar duhet me e marrë seriozisht, por unë mendoj që duhet vet me e kuptu qeveria që duhet me i dhënë përgjigje Kosovës, a beson që është me rëndësi kjo punë apo nuk është fare me rëndësi… (A do te jeni pjese e dialogut) 4:13 I gjithë spektri politik në Kosovë në fund të fundit ka me qenë pjesë e vendimmarrjes si rrjedhojë e negociatave me Serbinë, çfarë formati kanë me pas, i takon qeverisë me vendos, fundi i fundit barrën kryesore e kanë ata. Por, nuk mundet me pas vendimmarrje afatgjatë për Kosovën pa qenë i gjithë spektri politik aty, edhe Kushtetuta dhe numrat e lypin një gjë të tillë… Qeveria duhet me tregu çka beson, nëse nuk din me tregu çka beson për nder kemi me pas probleme gjithmonë”, tha Gjini.
Ai adreson kritika edhe për menaxhimin me pandeminë që qeveria Kurti po bën, teksa shton se mbyllja 2 javore e gastronomisë është bërë vetëm sa për imazh.
“Është përafërsisht situata e njëjtë, por tek Qeveria aktuale e shoh një insistim të jashtëzakonshëm dhe një humbje të energjisë për të lënë përshtypje dhe jo për me e ndërtu substancën. Gjithçka bëhet për të lënë përshtypje. Në politikë punohet edhe për të lënë përshtypje, por nëse harrohet substanca atëherë ato përshtypje shuhen shumë shpejt”, thotë ai.
Gjini shprehet i bindur se AAK do të rritet në zgjedhjet lokale, duke udhëhequr me më shumë komuna se që ka udhëhequr më parë.
“Në zgjedhjet lokale qytetarët kanë me vendosë pak më qartë se çka duan, sepse shumica prej nesh prapë se prapë para zgjedhjeve u tregojmë se çka do të bëjmë dhe ata do të vendosin se kush çka synon të bëj, dhe normalisht shumica prej nesh e kemi një adut, mund të ju tregojmë që atë që e kemi thënë para 3 viteve e kemi bë, të paktën garantojmë se atë që flasim e bëjmë… sipas të gjitha gjasave, komunat të cilat do të rriten në taborin e Aleancës, përveç atyre që i kemi, jemi shumë afër me Istogun, me Podujevën, do të kemi rrite të jashtëzakonshme në Prishtinë, jemi shumë afër me Pejën… Do të punojmë shumë edhe në Obiliq, për shkak se e kemi pasur një bazë të jashtëzakonshme atje. Kështu që, numri i komunave metë cilat do të udhëheq Aleanca do të rritet, nuk do të zvogëlohet”, thotë ai./KosovaPress
Të tjera
-
S’futet në rend dite propozimi i PDK-së për debat në lidhje me të gjeturat e DASh-it
Propozimi i PDK-së për debat parlamentar në lidhje me të gjeturat e raportit ...
-
U vazhdohet paraburgimi edhe për dy muaj tre të dyshuarve për su*min në Banjskë
Me kërkesë të Prokurorisë Speciale të Kosovës, Gjykata Themelore ua ka vazhdu...
-
Në seancë të mbyllur nis dëshminë dëshmitari i 57-të në rastin Thaçi dhe të tjerët
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Nis seanca, PDK kërkon debat parlamentar në lidhje me të gjeturat e raportit të DASh-it
Shefi i grupit parlamentar të PDK-së, Abelard Tahiri, ka kërkuar në emër të p...
-
Kusari-Lila: Mundësia e marrëveshjes për dinarin varet nga BE-ja sa po e bind Serbinë të mos jetë palë destruktive
Shefja e deputetëve të Lëvizjes Vetëvendosje, Mimoza Kusari Lila, ka thënë se...
-
Shefja e USAID-it, ai i UNICEF-it dhe ministrja Nagavci vizitojnë Gjilanin
Komunën e Gjilanit e ka vizituar drejtoresha e Misionit të USAID-it në Kosovë...
-
6 miliardëshi për Kosovën e Ballkanin, vendimi i fundit i legjislaturës së tanishme të PE-së
Para se ta përfundojë mandatin, legjislatura e tanishme në Parlamentin Evropi...
-
Keqpërdori pozitën zyrtare, kërkohet paraburgim ndaj të dyshuarit
Prokuroria Themelore në Ferizaj, Departamenti i Krimeve të Rënda, ka kërkuar ...
-
Arrestohen dy të dyshuar në Mitrovicë për dhënie e marrje të ryshfetit
Të mërkurë në Mitrovicë janë arrestuar dy të dyshuar meshkuj, njëri shtetas i...
-
Kushtetuesja e Speciales me vendim në rastin ‘Januzi e të tjerët’
Gjykata Kushtetuese e Speciales ka hedhur poshtë referimin lidhur me Rregullo...
-
Ministri Maqedonci udhëton në Hungari, pritet t’i zhvillojë disa takime
Ministri i Mbrojtjes, Ejup Maqedonci, ka udhëtuar për vizitë pune në Hungari....
-
Suharekë: Hyjnë me forcë në shtëpi dhe vjedhin para e stoli ari
Një person në Suharekë ka raportuar në polici të mërkurën se persona të panjo...