Lajme

Franca planifikon zgjatjen e përdorimit të certifikatës shëndetësore

Autori: Gazeta inFokus 07:57 | 14 October 2021

Qeveria franceze planifikon të zgjasë deri më 31 korrik 2022 periudhën e përdorimit të certifikatës së saj shëndetësore kundër COVID-19, që ka kufizuar qasjen në shumë vende publike, të tilla si bare, kafene, kinema ose transport në distanca të gjata, që nga vera.

Zgjatja e ligjit special, i njohur si “menaxhimi i epidemisë” dhe që autorizon përdorimin e certifikatës shëndetësore, si edhe kufizimet e udhëtimit lokal, iu paraqit sot Këshillit të Ministrave.

Me këtë masë, objektivi i qeverisë është të inkurajojë 26,5 për qind të francezëve, të cilët nuk i kanë marrë ende dy dozat e vaksinës antiCOVID-19, për t’u vaksinuar. Sepse, edhe pse ekzekutivi ka hequr dorë nga vaksinimi i detyrueshëm, pasaporta shëndetësore kushtëzon që nga 9 gushti qasjen në shumë hapësira shoqërore, të tilla si bare dhe restorante.

-Advertisement-

Që nga 30 gushti, ajo do të detyrohet edhe për 1,8 milionë punonjës në kontakt me publikun. Për më tepër, për të marrë certifikatën shëndetësore duhet të jesh i vaksinuar me të dyja dozat ose të paraqesësh një test negativ. Megjtihatë, nga e premtja, testet e kryera për të marrë këtë certifikatë nuk do të rimbursohen më dhe do të kushtojnë disa dhjetëra euro.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik

Të tjera