Sport

Franca mposht Kroacinë dhe shpallet kampion bote

Autori: Gazeta inFokus 18:56 | 15 July 2018

Kombëtarja e Francës është shpallur kampion bote në turneun ‘Rusia 2018’, pasi në finale e mposhti Kroacinë me rezultat 4-2.

Ndeshja nisi me një dominim të kroatëve me lojë, mirëpo pas një harkimi të Les Bleus në zonë, Mario Mandzukic shënoi me kokë në portën e gabuar (18′).

-Advertisement-

Perisic e barazoi rezultatin (Foto: Getty Images)

Nuk kaluan as dhjetë minuta dhe rezultati u barazua. Ivan Perisic realizoi pas asistimit nga Domagoj Vida (28′).

Mirëpo, Perisic shkaktoi penallti duke e prekur topin me dorë në zonë dhe Antoine Griezmann u tregua i saktë nga pika e bardhë (38′) për ta kthyer epërsinë e francezëve.

Pogba ishte njëri prej golashënuesve (Foto: Getty Images)

Edhe pse Kroacia e diktonte tempin e lojës, ishin Les Bleus ata që u treguan të rrezikshëm përmes lojtarëve të tyre cilësorë.

Fillimisht, Paul Pogba (59′) dhe pastaj Kylian Mbappe (65′), shënuan gola të bukur duke i shuar shpresat e kroatëve.

Një goli i bukur nga Mbappe (Foto: Getty Images)

Mario Mandzukic e shfrytëzoi një gabim të portierit Hugo Lloris duke e ngushtuar rezultatin, mirëpo epërsia ishte akoma shumë e lartë.

Në vazhdim, skuadra kroatet u përpoq vazhdimisht që të rikthehej në lojë, mirëpo pa sukses.

Mandzukic i dha një shpresë të vogël Kroacisë (Foto: Getty Images)

Ky është triumfi i dytë në histori të Francës në Kampionatin Botëror. Për herë të parë, Les Bleus e kishin fituar Kupën e Botës para dy dekadash, në vitin 1998.

Ndërkaq, Kroacia duhet të kënaqet me suksesin më të madh në histori të përfaqësueses, arritjen deri në finale të një Kampionati Botëror.

Subscribe në YouTube: GAZETA INFOKUSI