FOKUSI NË BUJQËSI

Franca mbështet Kosovën në bujqësi

Autori: Gazeta inFokus 16:27 | 22 Mars 2018

Shteti i Francës e ka konfirmuar mbështetjen për Kosovën në fushën e bujqësisë.

Këtë e bëri të ditur ambasadori i Francës në Prishtinë, Didier Chabert, në një takim me ministri e Bujqësisë, Pylltarisë dhe Zhvillimit Rural, Nenad Rikalon.

Gjatë takimit, Ministri Rikalo njoftoi delegacionin francez me planin e punës për zhvillimin e bujqësisë, me programet mbështetëse të ministrisë për sektorin e bujqësisë, si dhe me projektet që do të zbatohen për të mbështetur prodhuesit bujqësorë gjatë këtij viti, shkruan Infokusi.

-Advertisement-

Duke shprehur gatishmërinë për bashkëpunimin e mëtejm në kuadër të projekteve të ndryshme mes ministrisë dhe Agjencisë për Zhvillim e Bashkëpunim Ndërkombëtar në sektorin e bujqësisë, ushqimit dhe hapësirës rurale (ADECIA), Rikalo theksoi nevojën që kjo mbështetje të shtrihet në sektor të ndryshëm të bujqësisë, duke ndikuar kështu në zhvillimin e mëtejmë të bujqësisë në vend, rritjen e prodhimit dhe motivimin për t’u marrë me bujqësi.

Ndwrkaq, ambasadori Didier Chabert, ka rikonfirmuar gatishmërinë e shtetit të tij për të ndihmuar zhvillimin e sektorit të bujqësisë në Kosovë, duke premtuar edhe forma të ndryshme të bashkëpunimit mes të dyja vendeve.

Ndërkaq, Amice Ëannerroy, përfaqësuese për Ballkan në ADECIA, tha se përmes projekteve të ndryshme do të ofrojnë mbështetje për sektorin e bujqësisë dhe zhvillimit rural në Kosovë. /INFOKUSI.COM/