Auto&Tech

Franca gjobit me 150 mijë euro “Facebook-un” për shkelje të privatësisë

Autori: Gazeta inFokus 15:50 | 17 May 2017

Gjigandi i rrjeteve sociale, “Facebook” u gjobit me 150 mijë euro nga Agjencia franceze për Mbrojtjen e të Dhënave dhe po hetohet gjithashtu nga Belgjika, Holanda, Gjermania e Spanja për shkelje të privatësisë së të dhënave.

Rregullatorët e të dhënave krijuan një grup të përbashkët në vitin 2014, për të hetuar ndryshimet e politikave të privatësisë që Facebook bëri në të njëjtin vit.Organizmi francez “CNIL” goditi Facebook-un me gjobën më të lartë të mundshme në pikën e nisjes së hetimit, por që prej tetorit të kaluar mund të vendosë gjoba deri në 3 milionë euro.

Autoritetet franceze thanë se vunë re se Facebook grumbullon të dhënat personale të përdoruesve në mënyrë që t’iu paraqesë atyre publicitete specifike.

-Advertisement-

Për më tepër, Facebook ka grumbulluar edhe të dhëna të aktiviteteve në internet të përdoruesve në faqe të palëve të treta, pa e ditur ata.

Ekspertët thonë se gjoba franceze është modeste në krahasim me 8 miliardë dollarë të ardhura për Facebook në 3 muajt e parë të vitit. Por, ajo është shumë e rëndësishme, pasi është hapi i parë ndaj Facebook për çështjen e privatësisë dhe pritet të pasohet nga shumë vende të tjera evropiane.

Subscribe në YouTube: GAZETA INFOKUSI