Auto&Tech

Fotografitë zyrtare të Mercedes-AMG GT në version Coupe

Autori: Gazeta inFokus 13:45 | 20 February 2018

Që nga prezantimi i tij zyrtar në panairin e veturave në Gjenevë vitin e kaluar, koncepti Mercedes-AMG GT është spiunuar shumë herë por i maskuar, ndërsa tani është publikuar nga vetë kompania një set fotografish zyrtare të këtij modeli në version Coupe.

Së fundmi, Mercedes ka konfirmuar edhe emrin zyrtar të këtij modeli, Mercedes-AMG GT Coupe, transmeton Koha.net. Po ashtu, ka njoftuar edhe se promovimi i tij zyrtar do të mbahet në fillim të muajit mars në panairin i sivjetmë të veturave në Gjenevë.

Ky model, me emrin kodues X290, do të vijë me 4 dyer dhe 4 ulëse dhe, sipas njoftimeve të mëparshme, është i ndërtuar në platformën e Mercedesit – MRA.

-Advertisement-

Mercedes-AMG GT Coupe, ndër të tjera, karakterizohet me motorin 4.0-litër Bi-Turbo V8 me kapacitete të ndryshe (përfshirë edhe atë me 600 kuajfuqi), marshin Speedshift MCT, sistemin e tërheqjes në të gjitha rrotat, frenat karbon-qeramikë, si dhe peshon më pak.

Gjithashtu, në ofertë pritet të jetë edhe versioni plug-in hibrid me kapacitet prej 800 kuajfuqi në total.

Mercedes-AMG GT në version Coupe, po ashtu, tërheqë vëmendjen edhe me interier luksoz dhe me instrument-tabelën digjitale, ekranin e madh dhe sistemin për argëtim – infotainment.