Lajme

Fotografia e Shaban Manajt në “Këndin e Kujtesës”, Abdixhiku: Në 25-vjetorin e vrasjes, përkujtimi për të mbetet i gjallë

Autori: Gazeta inFokus 15:03 | 23 Korrik 2025

Kryetari i LDK’së, Lumir Abdixhiku, ka thënë se në “Këndin e Kujtesës” e ka vendosur edhe fotografinë e Shaban Manajt.

“Shaban Manaj në Panteonin e Kujtesës së LDK-së. Sot, në selinë e Lidhjes Demokratike të Kosovës, në praninë e familjarëve, miqve dhe bashkëpunëtorëve të afërt, vendosëm fotografinë e Shaban Manajt në “Këndin e Kujtesës” – aty ku prehen figurat më të ndritura të historisë sonë politike. Shabani qëndron në krah me Enverin, Xhemën, Ismetin e Nekibën, si shenjë e një kujtese historike.”

Ai ka thënë se në 25 vjetorin e vrasjes së Shaban Manajt, përkujtimi për të mbetet i gjallë.

-Advertisement-

“Në 25-vjetorin e vrasjes së tij, përkujtimi për Shabanin mbetet i gjallë. Ai ishte avokat i shquar, veprimtar i palodhur dhe bashkëpunëtor i afërt i Presidentit Rugova. Me guxim, urtësi e përkushtim, Shaban Manaj la gjurmë të thella në rrugëtimin tonë për liri dhe ndërtim të shtetit.”

Ai ka shtuar se duhet të zbardhen të gjitha vrasjet politike pas luftës.

“Familjarët ende kërkojnë drejtësi. Shoqëria jonë ka detyrim të përhershëm – zbardhjen e këtij krimi dhe të gjitha vrasjeve politike pas luftës. Zonjës Fatmushe, Fortesës, Shkodranit e Shkëmbit u themi të qëndrojnë të fortë edhe një çerek shekulli pas. Lavdi jetës dhe veprës së Shaban Manajt! Lavdi të gjithë veprimtarëve të lirisë!”

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy