Lajme

Fotografët organizojnë ekspozitë humanitare (Foto)

Autori: Gazeta inFokus 15:11 | 28 Nëntor 2017

Fotografët Fahredin Spahija, Bujar Gashi, Arben Llapashtica dhe Arben Islami do të organizojnë ekspozitë humanitare me fotografi artistike.

Ekspozita do të titullohet “Explore Kosovo” dhe do të shfaqet më 6 dhjetor nga ora 18:30 në hotelin “Princi i Arbëri” në Prishtinë, shkruan Infokusi.com

Ekspozita e artit fotografik “Explore Kosovo” që si ide fillestare ishte dhënë nga fotografi Bujar Gashi e pastaj u përkrah edhe nga tre fotografët tjerë Fahredin Spahija, Arben Llapashtica dhe Arben Islami ngërthen në vete dy qëllime.

-Advertisement-

Qëllimi i pare ishte që të krijohej një ngjarje kulturore që do të mundësonte mbledhjen e mjeteve financiare për ti ndihmuar fëmijët dhe të rriturit në nevojë.

Mjetet e mbledhura nga shitja e fotografive do të shpërndahen përmes shoqatës angleze “The Ideas Partnership” e cila është një nga mbështetësit e kësaj ekspozite.

Qëllimi i dytë i ekspozitës “Explore Kosovo” është që të promovojë bukuritë dhe veçantitë e Kosovës përmes fotografive të shkrepura nga këta katër autorë të cilat do të ekspozohen në një nga hapësirat e hotelit “Princi i Arbërit” pronari i të cilit është mbështetësi më i madh i këtij aktiviteti kulturorë humanitarë me ndihmën e të cilit janë shtypur të gjitha fotografitë e kësaj ekspozite!

Fotografitë e ekspozitës janë kryesisht peizazhe që prezantojnë bukuri nga pjesë të ndryshme të Kosovës.

Ekspozita humanitare “Explore Kosovo”do të hapet me 06 dhjetor 2017, në orën 18.30, në hotelin “Princi i Arbërit” dhe do të jetë ngjarje njëditore../INFOKUSI

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy