Sport

Forma e dobët e Higuaint, Allegri e arsyeton në këtë mënyrë (Foto)

Autori: Gazeta inFokus 16:09 | 19 September 2017

Trajneri Massimiliano Allegri, siguron se Gonzalo Higuain, është shumë i rëndësishëm për Juventusin, përcjell ORAinfo.

Sulmuesi ka shënuar dy gola dhe ndihmon skaudrën në katër ndeshje të Serie A deri tani, por u kritikua për performancën e tij kundër Barcelonës në Ligën e Kampionëve dhe për shfaqjen e tij kundër Sassuolo të dielën.

-Advertisement-

“Sa i përket Gonzalo, ai ka luajtur katër ndeshje dhe ka shënuar dy gola,” Allegri theksoi në konferencën e tij për shtyp përpara ndeshjes së Fiorentinës.

“Ashtu si për të gjithë sulmuesit ka periudha ku shënojnë më shumë gola dhe periudha ku shënojnë më pak.

“Kjo ka ndodhur edhe vitin e kaluar, nuk e di nëse Higuain ka kaluar tre ose katër ndeshje pa një gol vitin e kaluar”, ka reaguar trajneri italian./ORAinfo/