Uncategorized

Forcimi i bashkëpunimit dhe shkëmbimeve , kontribut për paqen globale

Autori: Gazeta inFokus 16:45 | 11 October 2024

Të premten paradite, Presidenti i Kinës Xi Jinping u takua në Pekin me të ftuarit e huaj që morën pjesë në Konferencën Ndërkombëtare të Miqësisë të Kinës dhe në veprimtarinë përkujtimore me rastin e 70-vjetorit të themelimit të Shoqatës së Popullit Kinez për Miqësinë me Vendet e Huaja.

Presidenti Xi Jinping u shpreh se miqësia popullore është themeli i marrëdhënieve ndërkombëtare dhe i energjisë për paqen dhe zhvillimin botëror. Përgjatë 75 viteve, që pas themelimit të Republikës Popullore të Kinës, populli kinez ka ecur në rrugën e modernizimit duke i sjellë përfitime botës. Sukseset e Kinës mbështeten në përkrahjen e popujve të ndryshme. Miq të shumtë ndërkombëtarë kanë punuar së bashku me Kinën për të nxitur modernizimin e vendit, duke u sjellë përfitime palëve të ndryshme dhe duke nxitur shkëmbimet dhe bashkëpunimin miqësor midis Kinës e vendeve të huaja.

Ai theksoi se Kina dëshiron të forcojë shkëmbimet miqësore me vendet e ndryshme, për të ndërtuar së bashku komunitetin me të ardhme të përbashkët për njerëzimin.

-Advertisement-

Të ftuarit e pranishëm uruan 75-vjetorin e themelimit të Republikës Popullore të Kinës. Ndërkohë shprehën vlerësime për Shoqatën e Popullit Kinez për Miqësinë me Vendet e Huaja, për rolin e tyre në rritjen e mirëkuptimeve dhe miqësisë midis popujve të ndryshëm.

Të ftuarit u shprehën se zhvillimi dhe lulëzimi i Kinës me siguri do t’i sjellë përfitime botës. Gjithashtu shprehën edhe pritshmëritë e tyre për forcimin e shkëmbimeve dhe bashkëpunimit miqësor me Kinën në të gjitha fushat, për të dhënë kontribut për paqen, zhvillimin dhe lulëzimin e botës.

Subscribe në YouTube: GAZETA INFOKUSI