Lajme

Flet Veseli për gjendjen brenda PDK-së

Autori: Gazeta inFokus 21:42 | 21 October 2018

Kryetari i Partisë Demokratike të Kosovës, Kadri Veseli, ka marrë pjesë në hapjen e procesit zgjedhor partiak në degët e Gjilanit, Kamenicës, Vitisë, Hanit të Elezit, Istogut dhe Hasit, ku ka kërkuar mobilizim dhe hapje të partisë për ardhjen e sa më shumë intelektualëve e njerëzve më të mirë nga të gjitha lagjet dhe fshatrat e komunave përkatëse.

Kreu i PDK-së tha se procesi i zgjedhjeve partiake do ta fuqizojë dhe rrisë PDK-në si partia më e madhe që ka shërbyer që nga liria e vendit, pastaj Shpallja e pavarësisë dhe shtet ndërtimi.

“Partia Demokratike të Kosovës dëshiron ta ketë në çdo shtëpi njeriun më të mirë. PDK do të ketë brenda vetes njerëzit më të mirë të secilës lagje, njerëzit më të mirë të secilit fshat e secilit qytet. Kur rritet dhe fuqizohet Partia Demokratike e Kosovës edhe shteti i Kosovës do të forcohet e fuqizohet më shumë”, tha Veseli.

-Advertisement-

Lideri i PDK-së tha se partia që e drejton është garanci dhe adresë kryesore politike për ta zhvilluar vendin dhe për ta integruar në strukturat euro atlantike.

“Zgjedhjet në PDK janë më transparentet dhe në këto zgjedhje nuk garohet për ta mundur dikë por për ta fuqizuar strukturën, për t’u dhënë hapësirë njerëzve të rinj, intelektualëve dhe profileve të ndryshme që dëshirojnë të japin kontributin e tyre nëpërmjet PDK-së, për ta zhvilluar dhe fuqizuar Kosovën në Dekadën e Re”, tha Veseli.

Subscribe në YouTube: GAZETA INFOKUSI
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera