Skuadra e Barcelonës në futsall është duke i bërë përgatitjet e fundit para përballjes me Mabetex Prishtinën, në kuadër të 1/8 së finales së Ligës së Kampionëve në futsall, shkruan Gazeta inFokus.

Katalunasit pasditen e së enjtes i kanë kryer stërvitjet e fundit para takimit me ekipin nga Kosova.

Pas përfundimit të seancës stërvitore ka folur trajneri i Barcelonës, Andreu Plaza, i cili ka thënë se nuk ka informacionet për skuadrën e Prishtinës.

Ai ka shtuar se nuk ka rendësi rivali, pasi kushdo që është ata do ta bëjnë punën e tyre.

“Prishtina është një rival gjysmë i panjohur. Ligën e Kosovës nuk mund ta ndjekësh rregullisht sepse nuk ka mbulim televiziv. Ne do të takojmë një ekip dhe disa lojtarë që nuk i njohim, por ne mendojmë për veten dhe e dimë çfarë duam. Rivali nuk ka shumë rëndësi për ne, pasi kushdo që është ne e bëjmë punën tonë” deklaroi Plaza.

Barcelona – Mabetex Prishtina, do të luhet të premten nga ora 18:30 dhe do të transmetohet drejtpërdrejtë në Klan Kosova./Gazeta inFokus/