Sport

Flet lojtari që e dërgoi Dukagjinin në gjysmëfinale të Kupës së Kosovës, ka një dedikim special për golin e shënuar

Autori: Erion Maliqaj 18:32 | 17 March 2021

Dukagjini është kualifikuar në gjysmëfinale të Kupës së Kosovës, pasi ka eliminuar Drenicën të mërkurën me rezultat minimal 1-0, shkruan Gazeta inFokus.

Në takimin e zhvilluar në stadiumin ’18 Qershori’ në Klinë, golin e vetëm për ‘Hithat’ e realizoi mesfushori gjakovar, Jeton Dushi.

Dushi shënoi në minutën e 76’ një gol të bukur dhe e dërgoi Dukagjinin në gjysmëfinale të garës së dytë më të rëndësishme në vendin tonë.

-Advertisement-

25 vjeçari në një prononcim për Gazetën inFokus ka folur për golin e shënuar dhe kualifikimin e klinasve në rrethin tjetër të Kupës.

“Është ndjenjë shumë e mirë të shënosh gol kur dihet edhe rëndësia e madhe e ndeshjes. Jam shumë i lumtur për golin që realizova, por jam edhe më shumë i lumtur që arritëm në gjysmëfinale të Kupës së Kosovës”, tha fillimisht Dushi.

Mesfushori gjakovar golin e realizuar ia ka dedikuar qytetit të Klinës.

“Këtë gol dhe fitore jua dedikoj të gjithë qytetit të Klinës, pasi çdo herë jam i mirëpritur në një qytet të vogël, por me zemër të madhe”, deklaroi Jeton Dushi.

Dukagjini i Klinës është kualifikuar pas 25 viteve në gjysmëfinale të Kupës së Kosovës./Gazeta inFokus/

King 🤴 is always king 🤴💪💪

Posted by Jeton Dushi on E mërkurë, 17 Mars 2021

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera