Flet kameramani i RTK-së që dje u sulmua brutalisht nga serbët në Leposaviq
![](https://gazetainfokus.com/wp-content/uploads/2023/06/bardh-bekteshi.jpg)
Autori: Gazeta inFokus
17:03 | 17 June 2023
Kjo për faktin se dje, derisa ekipe të shumta mediatike po raportonin nga veriu i vendit, saktësisht nga Leposaviqi, turma të maskuara serbësh iu sulën atyre, fillimisht duke i gjuajtur me gurë, e më pastaj duke i sulmuar edhe fizikisht disa prej tyre.
Në mesin e atyre ndaj të cilëve u ushtrua dhunë brutale ishte edhe kameramani i transmetuesit publik, Bardh Bekteshi.
Pamjet e sulmit ndaj tij janë kapur nga kamerat e ekipeve mediatike atje.
Ai u shtri për toke nga një person i maskuar, e më pas pësoi disa goditje me shkelma në trup.
Bekteshi arriti të ngrihej në këmbë e të largohej nga kjo ngjarje e tmerrshme.
E sot, ai ka dalë me një status në Facebook, duke treguar mbi gjendjen e tij shëndetësore, por edhe duke falënderuar gjithsecilin që është interesuar për shëndetin e tij.
“Përmes këtij postimi, ndjej për obligim që të ju njoftoj se unë jam mirë dhe të ju falënderoj përulësisht për interesimin dhe mbështetjen tuaj. Faleminderit edhe RTK-së, drejtuesve të saj dhe gjithë kolegëve për mbështetjen dhe interesimin e treguar për mua, gazetaren Veneren dhe teknikun Mentorin që dje ishim bashkë. Po ashtu mirënjohje dhe falënderime edhe për institucionet e shtetit tonë që edhe kësaj radhe u solidarizuan me ne. Përtej kësaj, mendoj se angazhimi më i madh për sigurinë tonë si ekipe të mediave, është çështje që kërkon trajtim të shpejtë”, theksoi kameramani Bardh Bekteshi.
Megjithatë, ai tha se kjo ngjarje nuk do ta bëjë që të zmbrapset nga profesioni, por thotë se do ta bëjë edhe më të fortë.
“Siç edhe e dini, derisa po kryeja punën time prej kameramanit, dje edhe unë isha viktimë e sulmeve të grupeve kriminale të serbeve në Leposaviq. Kjo nuk është hera e parë që në veri na vërsulen e na kërcënojnë, por kjo assesi nuk do të ndikojë që të na ndalin. E kundërta, këto raste na bëjnë më të fortë, më të bashkuar dhe më të vendosur për ta çuar përpara këtë mision kaq fisnik. Unë edhe dje, edhe pardje, edhe sot e nesër, edhe gjithmonë, përballë këtyre situatave armën e vetme në dorë e kam kamerën me të cilën punojë për me shumë se dy dekada. Prandaj do të vazhdoj punën dhe angazhimin tim sado e vështirë që mund të jetë! Pas asaj që ndodhi dje, kam marrë shume telefonata e mesazhe interesimi për gjendjen time. Faleminderit të gjithëve”, deklaroi Bardh Bekteshi.
Për këto sulme ndaj mediave pati reagime të shumta. Asociacioni i Gazetarëve të Kosovës njoftoi se janë raportuar shumë raste vetëm ditën e djeshme të dhunës ndaj punonjësve të mediave në Leposaviq. Ndërkaq, në një periudhë kohore prej tri (3) javësh, në Asociacionin e Gazetarëve të Kosovës janë regjistruar 30 raste të sulmeve kundër gazetarëve, kameramanëve, fotoreporterëve dhe mediave që kanë përcjellë zhvillimet nga komunat veriore të vendit.
![](https://gazetainfokus.com/wp-content/uploads/2024/07/airport-suicase-780x439-1.jpeg)
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...