Flet i riu që u rrah në Suhadoll nga serbët në ditën kur fitoj Zvicra
Autori: Gazeta inFokus 16:50 | 25 June 2018
Ndërkohë që shqiptarët, kudo nëpër botë, po vazhdonin të ekzaltoheshin pas golave të fitores së Xhakës dhe Shaqirit ndaj Serbisë, e serbët po e vajtonin disfatën, një 16 vjeçar nga fshati Suhadoll po pranonte grushte nga një grup huliganësh që flisnin serbisht.
Ngjarja ka ndodhur të shtunën, një orë para mesnatës, te vendi i njohu “tre Rrokaqiejt” në Mitrovicë. Redon Hajdari thotë se grushtet i hëngri si hakmarrje që fqinjët e tij serbë kanë nisur ndaj shqiptarëve që jetojnë në Veri, pas betejës së humbur të Botërorit 2018.
Redon Hajdari, 16 vjeç, bashkë me një shok të tij, të shtunën në mbrëmje, po ktheheshin këmbë në shtëpi, në Suhadoll, nga pjesa jugore e Mitrovicës, kur tek vendi i njohur si “Tre Rrokaqiejt” u rrahën keq nga një grup huliganësh serbë.
16 vjeçari që e pësoi më së keqi nga sulmi, të hënën, ka rrëfyer për Gazetën Express dhunën fizike që e pësoi dy net më parë.
I mbetur i shtrirë nga plagët që mori, Redoni, në një nga dhomat e shtëpisë së tij tregon se grupi i huliganëve që e rrahën u kishin dalë atyre në pritë. Thotë se të gjithë ishin të maskuar.
“I këna pa te një mur. Fillimisht janë kanë veç 5 vetë. Si i kemi pa na, veç e kemi ul kryt dhe jemi mundu me ec sa ma shpejtë me kalu”, nis të kujtojë 16 vjeçari ndodhinë e të shtunës.
Thotë se në atë moment njëri prej serbëve të maskuar e ka qëlluar me guri në kokë, nga ana e djathë e tij.
“M’ka qit gjak menjëherë edhe mu kanë marrë ment. Jam mundu me ik po s’kom mujtë”, rrëfen nxënësi i shkollës së mesme.
“Atëherë ma kanë qitë kamën edhe jam rrzu. Jam shku zhag për toke edhe më kanë sillë sa kanë mujtë grushta, shkelma”, thotë i riu nga fshati Suhadoll, që ndodhet në Veri të Mitrovicës dhe është i banuar me shumicë serbe.
“Mas 2-3 minuta kur ata e kanë kry, jam çu. Menjëherë, nuk i kom ni dhimtë se jam kanë i nxehtë. Kur jam shku mas 20 metrave jam rrzu prap, se mu kan marr ment. M’kan pa disa kojshi të Suhadollit, edhe m’kan marr e m’kan çu me kerr deri te ni supermarket. Masnej janë ardh policia. Më kanë çu në spital të Bajrit, masnej më kan çu në Prishtinë”, vazhdon tutje rrëfimin e tij Redon Shaqiri.
Gjatë kohës sa ai po hante grushte, Redoni thotë se shoku i tij kishte arritur me vrap t’u ikte sulmuesve, të cilët më pas i gjithë grupi i ishin vërsulur vetëm atij.
“Atë e kanë përplas për njëfarë shufre hekuri por ai ka mrri me ik”, tregon 16 vjeçari për shokun e tij. Duke përsëritur se edhe vetë kishte provuar të merrte vrapin, porse goditja me guri në kokë e kishte alivanosur.
Redoni, dy disa orë pas kësaj ngjarje, ka mavijosje të mëdha në fytyrë dhe trup. Sikurse, thotë se të mëdha janë edhe dhimbjet që po përjeton nga lëndimet që mori nga grushtet.
“Shpina shumë po më dhemb. N’kambë kam plagë. Hundën ma kanë thy. Kryet e kam të qajt, po më dhëmb shumë”, thotë ai për Gazetën Express.
I riu që pohon se vazhdimisht është provokuar nga komshinjtë e tij serbë të fshatit Suhadoll, thotë se rrahja që pësoi të shtunën në mbrëmje ka qenë si pasojë e mllefit që serbët kanë përjetuar pas humbjes në futboll nga Zvicra.
Për përfaqësuesen e helvetikëve në Botërorin që po mbahet në Rusi, të premten, dy gola i kishin shënuar kosovarët Granit Xhaka e Xherdan Shaqiri. Futbollistët shqiptarë të kombëtares së Zvicrës kishin festuar me shqiponjë, golat e tyre.
“Të premten o kon loja. Të shtunën ka ndodhë mas orës 11 të natës”, thotë ai.
“Shaqiri e Xhaka që e qiten shqiponjën. Ata [sulmuesit] sikur me planifiku. Se krejt janë kanë të maskum. Më kanë fy në gjuhen serbe. Si kom kuptu krejt çka më kanë than, po veç që m’kan sha e di”, thotë i riu nga Mitrovica.
Ngjarjen e të shtunës e ka konfirmuar edhe Policia e Kosovës. Ndonëse nuk tregojnë për të arrestuar, Policia në një përgjigje për Gazetën Express thonë se edhe sulmuesit janë të mitur.
Po ashtu, Policia bën të ditur se gjatë sulmit janë përdorur edhe mjete të forta.
“Kemi mbledhur shënimet për secilin. Edhe ata janë të mitur. Sidoqoftë, jemi duke i zhvilluar hetimet”, thuhet në përgjigjen për Express të Policisë në Veri të Mitrovicës.
Të tjera
-
Osmani me Speich diskutojnë mundësitë e bashkëpunimit Kosovë-Vatikan
Presidentja Vjosa Osmani ka takuar sot Delegatin Apostolik të Selisë së Shenj...
-
Qalaj: PDK-ja do ta udhëheqë vendin, do të ndalet ikja e të rinjve jashtë vendit
Deputeti i PDK-së, Rashit Qalaj, është shprehur i bindur se kandidati i tyre ...
-
Studentët e Juridikut, të tretët në botë në garën ndërkombëtare për drejtësi, Osmani: Sukses historik
Studentët kosovarë të Fakultetit Juridik kanë arritur sukses në garën botëror...
-
Tahiri: KEK ka 80 kontrata njëburimore në vlerë prej 102 milionë eurove
Shefi i Grupit Parlamentar të PDK’së, Abelard Tahiri, në “Frontal” të T7 ka f...
-
Syla ironizon me Krakun: Po na bënë nervoz neve shqipfolësve
Gazetari Valon Syla ka ironizuar me një thënie që në rrjete sociale po i atri...
-
Serbët në Veri ankohen për faturat e energjisë elektrike
Qytetarët e katër komunave me shumicë serbe në veri të Kosovës në dy ditët e ...
-
Asambleja Parlamentare publikon agjendën, debati për anëtarësimin e Kosovës në KiE më 18 prill -detaje
Asambleja Parlamentare e Këshillit të Evropës ka publikuar agjendën zyrtare p...
-
Ish Presidenti i Kosovës, Prof. Dr. Fatmir Sejdiu, diskuton për pavarësimin e Kosovës para studentëve të UNI – Universum International College
Është mbajtur ligjërata publike me ish-presidentin e Kosovës, Fatmir Sejdiu, ...
-
Rritet tensioni për çështjen e detit të Kinës Jugore
Kina nuk do t'i lejojë Filipinet të veprojnë të njëanshme për çështjen e Deti...
-
Zhdukja e mostrave në rastin Dehari, VV-ja sërish e pengon formimin Komisionit Hetimor Parlamentar
Lëvizja Vetëvendosje sërish ka kundërshtuar themelimin e Komisionit Hetimor P...
-
“Veç mos shaj najsen”: Mesazhi i Kusari-Lilës për deputetin e VV-së që tregon si kurdiset debati në Kuvend
Komunikimet ndërmjet deputetëve të grupit parlamentar të Vetëvendosjes vazhdo...
-
I jepet lamtumira e fundit 48 vjeçares që u vr* të martën në gjuajtet me arm* në Kolovicë (PAMJE)
Sot është përcjellë për në banesën e fundit 48 vjeçarja e cila vdiq si pasojë...