Fokus

Flasin nga Prokuroria për rastin e foshnjës që u gjet në thes të zi në mbeturina në Matiqan

Autori: Gazeta inFokus 12:16 | 19 May 2025

Një ngjarje e rëndë ka ndodhur sot në Prishtinë ku një foshnje e porsalindur është gjetur pa shenja jete në rrethana të rënda dhe çnjerëzore, në lagjen Matiqan të kryeqytetit.

Rasti është raportuar më 19 maj 2025, rreth orës 10:30, kur një qytetar ka njoftuar autoritetet pasi ka vërejtur një qese të zezë pranë një deponie mbeturinash në rrugën “Butofci”. Në momentin që është afruar, qytetari ka zbuluar se brenda saj ndodhej trupi i një foshnje të porsalindur.

Prokuroria Themelore në Prishtinë ka konfirmuar për Infokusin se është njoftuar menjëherë për rastin dhe se hetimet kanë nisur.

-Advertisement-

“Prokurori kujdestar është njoftuar lidhur me rastin dhe është duke ndërmarrë të gjitha veprimet e nevojshme hetimore për zbardhjen e plotë të ngjarjes,” thuhet në njoftimin e Prokurorisë, ndërsa theksohet se informacione shtesë do të jepen në vijim.

Menjëherë pas njoftimit, njësitë emergjente dhe policia kanë dalë në vendin e ngjarjes, ndërsa mjekët kanë konstatuar se foshnja nuk shfaqte shenja jete. Autoritetet kanë nisur hetime për të identifikuar personin apo personat përgjegjës për këtë akt të rëndë dhe për të zbuluar motivet që çuan në këtë ngjarje tragjike.

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

fokus