Lajme

Flasin nga Nisma, tregojnë se si do të veprojnë me rastin e decertifikimit të Zafir Berishës!

Autori: Gazeta inFokus 16:06 | 12 September 2017

Deputeti i Nisma-s për Kosovën, Bilall Sherifi në një prononcim për “Gazeta Blic”, ka komentuar decertifikimin e Zafir Berishës nga ana e KQZ-së.

Sherifi e ka cilësuar si jo të drejtë vendimin e KQZ-së dhe ka thënë se kandidatet e decertifikuar kanë të drejtë ankesë dhe ne do ta shfrytëzojmë këtë mundësi për të kërkuar drejtësi ka thënë ai deri në nivelin më të lartë, atë të Gjykatës Kushtetuese.

“Vendimi si i tillë është i pa drejtë sepse KQZ të gjitha rastet i ka trajtuar përnjëherë dhe të gjitha si një rast dhe jo secilin rast veç e veç. Praktikisht ata kanë shqiptuar një masë për të gjithë kandidatët edhe pse jam i bindur që jo të gjitha rastet të kenë bazë të njëjtë”, tha ai.

-Advertisement-

Ai më tej ka thënë se edhe Gjyqësori i Kosovës në rastin konkret duhet ta zbatojë ligjin në të cilin janë të caktuar llojet e dënimeve.

“Këtë është dashur ta ketë parasysh edhe gjyqësori i Kosovës që në rastin konkret ta zbatoj nenin 100 paragrafi 2 kodit penal të Kosovës lidhur me pasojat e dënimit, me të cilin nën veçohen dënimet me gjobë, dënimi me kusht…. dhe rastet e tilla të mos procedohen në KQZ. Tash, ashtu sikur e parasheh ligji kandidatet e deçertifikuar kanë të drejtë ankese në instanca tjera të cilën edhe do ta shfrytëzojnë për të kërkuar drejtësi, deri në nivelin më të lartë, atë të Gjykatës Kushtetuese”, ka thënë Sherifi për Gazeta Blic.

Ndryshe, gjatë ditës së sotme, KQZ ka marrë vendim që të decertifikikohen 86 kandidatët për asamble komunale dhe kandidatë për kryetar të komunave, ndër ta edhe deputeti Zafir Berisha.

Kujtojmë që Zafir Berisha ka një dënim prej 140 euro për shkak të kyçës në energjinë elektrike në mënyrë ilegale.

Në anën tjetër “Gazeta Blic”, ka kontaktuar edhe me Zafir Berisha i cili ka thënë se do të bëjë ankesë në Gjykatën Kushtetuese.

Subscribe në YouTube: GAZETA INFOKUSI
Etiketa:
Thyhet REKORDI I ZBRITJEVE!
-Advertisement-

Të tjera

Fokusi

lajme