Sport

Flamurtari thyen rekord, kalon 1000 km për 12 ditë

Autori: Gazeta inFokus 21:29 | 26 March 2020

Futbollistët e Flamurtarit kanë stërvitur individualisht që nga pezullimi i Superligës së Kosovës, shkaku i përhapjes së coronavirusit, shkruan Gazeta inFokus.

Me ide të trajnerit kondicional Sashe Velianovski dhe përkrahje të shtabit teknik të “kuqezinjve”, 25 lojtarëve u është instaluar një program në telefonat e tyre, përmes të cilit trajnerët e kanë parë gjithë aktivitetin e futbollistëve, në kohë reale.

Përgatitjet e kësaj faze, janë karakterizuar me ushtrime të ndryshme pa top si dhe me vrapime të gjata, të cilat kanë zgjatur nga një orë në ditë.

Gazeta inFokus, nga burime brenda Flamurtarit, ka arritur të sigurojë distancën që e kanë vrapuar lojtarët e ekipit që drejtohet nga trajneri, Sunaj Keçi.

Brenda 12-të ditësh, 25 lojtarët e Flamurtarit kanë vrapuar 1000 kilometra, duke e përfunduar me suksese këtë fazë të përgatitjeve, në të cilët hyjnë edhe disa stërvitje të veçanta para vrapimeve.

Mesatarja e vrapimit për lojtarë brenda 12 ditësh, është 40 kilometra.

Ekipin nga kryeqyteti, pritet të vazhdojë me planin tjetër, derisa të kalojë virusi Covid-19, që e ka izoluar jo vetëm futbollin e Kosovës, por edhe të mbarë botës./Gazeta inFokus/

Të tjera