Lajme

Fjalimi i parë publik pas detyrës, Merkel e quan “barbar” pushtimin rus

Autori: Gazeta inFokus 14:10 | 02 June 2022

Në fjalimin e saj të parë publik që nga largimi i detyrës në dhjetor, ish-kancelarja gjermane Angela Merkel tha se Rusia po zhvillon një “luftë barbare agresioni” në Ukrainë.

Duke folur para 200 njerëzve në ceremoninë e lamtumirës për kreun në largim të një sindikate të njohur, Merkel tha se pushtimi përbën shkelje të hapur të ligjit ndërkombëtar dhe një thyerje të thellë në historinë e Evropës pas përfundimit të Luftës së Dytë Botërore.

“Solidariteti im është me Ukrainën, e cila u sulmua dhe u pushtua nga Rusia, dhe me mbështetjen e të drejtës së saj për vetëmbrojtje,” tha Merkel. “Asnjëherë nuk duhet të marrim paqen dhe lirinë si të mirëqenë.”

-Advertisement-

Merkel tha se tani që nuk e mban më detyrën, nuk do të bëjë vlerësime politike nga “përjashtimi”. Megjithatë, ajo tha se mbështet përpjekjet aktuale të Perëndimit, duke përfshirë pasardhësin e saj, Olaf Scholz, për t’i dhënë fund konfliktit.

Merkel tha se pasojat e luftës do të jenë të gjera, duke përfshirë edhe aspektin e të drejtave të njeriut.“Bucha është përfaqësuesi i këtij tmerri,” tha ajo, duke iu referuar mizorive të kryera kundër civilëve në periferi të Kievit .

Merkel tha se gjeti një rreze të vogël shprese në mbështetjen e jashtëzakonshme që u jepej ukrainasve në vendet fqinje si Polonia dhe Moldavia.

Subscribe në YouTube: GAZETA INFOKUSI
Etiketa:
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në…
-Advertisement-

Të tjera

Fokusi

lajme