Lajme

Fjalët emocionuese të Albin Kurtin për aktivistin e Vetëvendosjes që vdiq sot

Autori: Gazeta inFokus 14:43 | 29 January 2020

Këtë të mërkurë, aktivisti i Vetëvendosjes Hysni Hyseni – Doda ndërroi jetë pas një sëmundjeje të shkurtër.

I ndjeri ishte edhe i plagosur në protestat e 10 shkurtit të vitit 2007, shkruan gazeta inFokus.

E duke kujtuar këtë rast, Albin Kurti e përkujtoi edhe aktivistin tashmë të ndjerë.

-Advertisement-

“Kur e vizitova para dhjetë ditëve ishte rëndë por kishte vetëdije, të nesërmen kishte përjetuar infarktin e parë, kurse dy ditë më vonë e gjeta në komë të intubuar. Doda vdiq sot. Në QKUK në Prishtinë, në repartin intenziv të Klinikës Infektive, vdiq në mëngjes Hysni Hyseni – Doda, aktivist i dalluar i Lëvizjes VETËVENDOSJE!. As një vit nuk ishte më i moshuar se unë, por askush, e as unë, nuk mund të mateshim me të për nga aktiviteti i dendur që bënte”, ka shkruar Kurti.

“Në protestën e 10 shkurtit 2007 ku u vranë Mon Balaj e Arben Xheladini, u patën plagosur e lënduar mbi 80 qytetarë, e më së rëndi pikërisht Hysni Hyseni nga Prizreni që humbi syrin e djathtë, Mustafë Nerjova nga Lubishda e Hasit që edhe sot e kësaj dite ka një pjesë plastike në kokë në vend të kafkës që ia çanë me plumb dhe Zenel Zeneli nga Bardhoshi i Prishtinës i cili ende i ka dy plumba në trup njërin shumë afër zemrës”.

Madje, Kurti thotë që edhe fitorja e Haskukës në Prizren do të ishte e pamundshme pa ndihmën e aktivistit tani të ndjerë, shkruan gazeta inFokus.

“Ndryshimi në Prizren me fitoren e Mytaher Haskukës në vjeshtën e vitit 2017 do të ishte i pamundur pa punën e palodhshme të Dodës, i cili mua asokohe m’i mësoi të gjitha çajtoret e Kurillës dhe jo vetëm”.

“Ka lënë pas vetes gruan, katër vajzat dhe një djalë. Dhembja që ndjejmë është e madhe, pikëllimi që na ka mbërthyer është i rëndë, humbja që përjetuam është e vështirë. Kujtimi ynë për Dodën do të jetë përjetë i gjallë, porsi gjallëria e tij jetësore”./Gazeta inFokus/

 

 

 

Subscribe në YouTube: GAZETA INFOKUSI

Të tjera

Fokusi

lajme