Lajme

Filmi maqedonas e paraqet UÇK-në si ushtri fetare, OVL e UÇK-së thotë se filmi nuk do të kalojë pa pasoja

Autori: Gazeta inFokus 19:46 | 06 September 2018

Një film Maqedonas po e paraqet UÇK-në si ushtri fetare dhe nxitëse të urrejtjes ndëretnike.

Pamjet e mëposhtme ku shihen pjesëtarët e Ushtrisë Çlirimtare të Kosovës duke bërë krime janë të shkëputura nga sekuencat e filmit maqedonas “Mocking of Christ”.
Në këtë film Ushtria Çlirimtare e Kosovës, paraqitet si ushtri që nxit konflikte fetare dhe ushtron terror ndaj civilëve.

Ky film përpos që e deformon historinë e luftës së UÇK-së, po ashtu nxit urrejtje ndëretnike.

-Advertisement-

E për këtë ka reaguar edhe Organizata e Veteranëve të Luftës së UÇK-së.

Kryetari i saj, Hysni Guxati thotë se ky film mund të ndikoj, të krijohet një imazh negativ për luftën e pastër të UÇK-së.

“Kemi dëgjuar për atë film që e ka bërë shteti maqedon. Për ne është e papranueshme dhe e dënueshme për atë që s’ka të bëj fare me luftën e UÇK-së, të gjitha janë montime të tyre”, shprehet për RTV Dukagjinin, Hysni Guxati.

Guxati shton se ky film do të ndikoj edhe në raportet e shqiptarëve dhe maqedonasve të cilët jetojnë së bashku.

“Duhet të reagojnë të gjitha institucionet e Republikës së Kosovës që të mos njolloset Ushtria Çlirimtare e Kosovës. Nuk është e vërtet se Ushtria Çlirimtare e Kosovës ka bërë krime, gjenocid apo ka pasur lidhje me fenë. Ne as që kemi pasur lidhje me fenë”, ta ndër të tjera Hysni Guxati, përcjell Telegrafi.

Regjisori, Ismet Sijarina, tha se filma të tillë fabrikojnë propaganda, dhe nuk kanë sukses.

“Konsideroj se veprat e tilla “artistike”, të cilat fabrikojnë propagandë nuk kanë ndonjë sukses po aq sa nuk do të ketë as ky film”, deklaroi Ismet Sijarina.

Filmi që devijon të vërtetën historike është financuar nga Agjencia e Filmit të Maqedonisë me 300 mijë Euro.

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy