Lajme

Fillon takimi në mes Ramës, Zaevit e Vuçiqit, Kosova nuk shkon në takim

Autori: Gazeta inFokus 19:23 | 09 November 2019

Në Ohër të Maqedonisë së Veriut, ka filluar taikimi i dytë i tre nga liderët e Ballkanit Perëndimor.

Edi Rama i Shqipërisë, Zoran Zaev i Maqedonisë së Veriut dhe Aleksandar Vuçiqi Serbisë, janë takuar për herë të dytë brenda një muaji, shkruan gazeta inFokus.

Kjo, pas takimit që u mbajt në Novi Sad, për të folur rreth të ashtuquajturit “Shengen Ballkanik”.

-Advertisement-

Në takim do të diskutohet edhe në lidhje me lëvizjen e lirë të mallrave e njerëzve mes këtyre tre shteteve, shkruan gazeta inFokus.

E synimi i takimit është që të arrihet dakordimi për një listë masash prioritare, që kryesisht janë në kuadër të masave të “REA MAP”’, për t’i zbatuar me ritëm të përshpejtuar brenda vitit 2020.

Ndërsa, mësohet se këto masa lidhen edhe me kompletimin e kuadrit ligjor dypalësh për të realizuar qarkullimin e lirë mes njerëzve me letërnjoftim dhe për ato vende që ednde nuk përdorin pasaporta në pikat kufitare.

Veç këtyre, në takimin e Ohrit do të diskutohet edhe për masa praktike por me ndikim në tregti në mes të vendeve në Ballkanin Perëndimor, duke përfshirë edhe udhërrëfyesin për modernizimin e infrastrukturës nëpër pikat e kalimit kufitar, aty ku është e mundur, në mënyrë që të hiqen disa procedura burokratike, të cilat, edhe mund të digjitalizohen, shkruan gazeta inFokus.

Por, në këtë mbledhje nuk d otë marr pjesë edhe Kosovë, edhe pse ditë më parë ishte vet Presiddenti serb, Vuçiq që ftoi Bosnjën, Malin e Zi e Kosovën.

Mirëpo, Ministri i Jashtëm në detyrë i Kosovës, Behgjet Pacolli, pati konfrimuar se nuk do të marrin pjesë, pasi, sipas tij, ftesa ka ardhur shumë vonë.

“Nuk do të jem pjesë e Samitit pasi ftesa ka ardhur shumë vonë, sot, dhe unë ndodhem jashtë shtetit dhe e kam të pamundur të jem”, ka thënë Pacolli.

Pas takimit Zaev-Rama-Vuçiq, presidenti maqedonas Stevo Pendarovski ka rezervuar një darkë me treshen.

Në agjendën e këtij takimi do të jetë një mbledhje pune ku përveç tre liderëve të Ballkanit Perëndimor do të marrin pjesë kryetari i Këshillit të Ministrave të Bosnje-Hercegovinës, dhe ministrja e Ekonomisë të Malit të Zi./Gazeta inFokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme