Lajme

Fillon obduksioni i trupit të pajetë të policit, Armend Trena

Autori: Gazeta inFokus 10:42 | 08 May 2018

Arsim Gërxhaliu, drejtor i Departamentit të Mjekësisë Ligjore ka bërë të ditur se ka filluar obduksioni i trupit të pajetë të policit, Armend Trena.

Gerxhaliu tha se sapo të përfundoj obduksioni, trupi do t’i dorëzohet familjarëve të viktimës.

“Ka filluar pak më parë obduksioni nga mjeku kujdestar. Sapo të përfundoj do t’i dorëzohet familjes”, ka thënë shkurt Gërxhaliu për Telegrafin.

-Advertisement-

Ndryshe, trupi i pajetë i policit Armend Trena u gjet nga Njësitet e kërkimit të shpëtimit të FSK-së, Policisë së Kosovës dhe Agjencisë së Kosovës për Emergjenca të hënën në orën 16:50, në kilometrin e 6-të (në hyrje të Hanit të Elezit) nga vend i aksidentit në lumin Lepenc.

Ndërkaq, siç kanë bërë të ditur familjarët e Armend Trenës përmes rrjeteve sociale, varrimi i policit do të bëhet këtë pasdite në orën 16:00.

Subscribe në YouTube: GAZETA INFOKUSI
Etiketa:

Të tjera

Fokusi

lajme