Lajme

Fillon aplikimi për Global Engineer Girls Kosova

Autori: Gazeta inFokus 10:27 | 06 February 2024

Sot është hapur aplikimi për studentet vajza dhe gra qe studiojnë në fushat e inxhinierisë në Universitetet Publike të Kosovës në nivelin Bachelor.

Inkurajohen të gjitha vajzat të cilat studiojnë në fushat e inxhinierisë në Universitetin e Prishtinës “Hasan Prishtina”, Universitetin e Mitrovicës “Isa Boletini”, Universitetin e Shkencave të Aplikuara në Ferizaj dhe Universiteti i Prizrenit “Ukshin Hoti”, të aplikojnë për t’u bërë pjesë e programit Global Engineer Girls Kosovo (GEG Kosovo).

Global Engineer Girls (GEG) është një iniciativë filantropike e cila ka për qellim përmirësimin e përfaqësimit të vajzave dhe grave në shkencë, teknologji, Inxhinieri dhe Matematike (STEM).

-Advertisement-

E implementuar nga grupi i kompanive Limak, GEG Kosovo fuqizon vajzat dhe gratë të përfshira në fushën e edukimit të STEM dhe iu ofron atyre mundësi bursash, trajnime, mentorim, mundësi praktike dhe mundësi punësimi.

Projekti ka për qëllim që të inspiroj gjeneratat e ardhme të vajzave në inxhinieri drejt barazisë gjinore në edukimin e fushave STEM.

Aplikimi mund te bëhet online duke klikuar në vegëzën: https://limak.d3wtsjj8jnclj.amplifyapp.com/app/registration.

Aplikimi mbetet i hapur deri me date 20 Shkurt 2024.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme