Lajme

Fillojnë përplasjet Nisma- AAK në koalicion

Autori: Gazeta inFokus 18:31 | 14 October 2020

Pas LDK’së, fillojnë përplasjet Nisma – AAK në koalicion.

Deputeti i AAK’së, Gazmend Syla, po kundërshton vendimin e ministrit të Punës dhe Mirëqenies Sociale, Skënder Reçica, që veteranët të lajmërohen dy herë në vit në zyrat e MPMS’së, raporton Express

Përmes një postimi në Facebook, Syla ka kërkuar nga ministri i MPMS-së, Skender Reçica që ta rishikojë këtë vendim.

-Advertisement-

“Pas vendimit të marrë nga Ministria e Punës dhe Mirëqenies Sociale, ku çdo veterani i duhet të lajmërohet në zyret e Ministrisë dy herë në vit, për të deklaruar që janë gjallë, shpreh kundërshtimin tim ndaj vendimit, i cili edhe pse mund të ketë qëllim të mirë, zbatimi i tij është në kohën e gabuar. Andaj kërkoj nga ju që të rishikoni këtë vendim dhe të shtyni zbatimin e tij deri pas përfundimit të gjendjes pandemike”, ka shkruar Syla.

Syla ka thënë se grumbullimi i veteranëve pranë zyrave të MPMS-së, rrezikon edhe shëndetin publik në rrethana pandemie.

“Grumbullimi i veteranëve pranë zyrave të ministrisë që ju e drejtoni, është përpos i ndaluar, ashtu edhe i rrezikshëm për shëndetin publik, sepse grumbullime të tilla mund të bëhen vatra të përhapjes së virusit”, është shprehur Syla

Subscribe në YouTube: GAZETA INFOKUSI

Të tjera

Fokusi

lajme