Sport

‘Fifa the Best’, Ronaldo dhe Messi mes kandidatëve favoritë

Autori: Gazeta inFokus 14:26 | 01 August 2019

Federata ndërkombëtare e Futbollit publikoi pasditen e së mërkurës emrat e futbollistëve kandidatë për çmimin “The Best”, si lojtari më i mirë i vitit.

Në listën e 10 finalistëve të publikuar nga qeveria e futbollit botëror mungon ai i fituesit të vitit të kaluar Luka Modric, ndërkohë që nuk figurojnë as ata të Griezmann dhe Neymar.

Kampionët e Evropës të Liverpoolit janë ata që dominojnë listën e finalistëve për FIFA The Best me 3 përfaqësues dhe bëhet fjalë pikërisht për Van Dijk, Salah dhe Mane.

-Advertisement-

Barcelona përfaqësohet nga Lionel Messi me argjentinasin që është fituesi i Këpucës së Artë me 36 gola të shënuar në sezonin e kalua si dhe de Jong me holandezin që vlerësohet për sezonin që përjetoi me skuadrën e Ajaxit, ashtu si edhe ish shoku i tij i skuadrës Matthijs De Ligt që kaloi të Juventusi për të bashkuar me Cristiano Ronaldon, edhe ky i përfshirë mes 10 pretendentëve për fitoren e trofeut individual të FIFA.

Reali i Madridit ka Eden Hazard, por belgu është në këtë garë pasi fitoi Europa league me skuadrën e Chelseat. Plotësojnë listën e 10 finalistëve për The Best harry kane i Tottenhamit dhe Kylian Mbappe i Paris Saint Germain. Ceremonia e dorëzimit të çmimit të FIFA The Best do të zhvillohet në 23 shtator dhe për herë të parë ajo do të mbahet në Teatrin La Scala të Milanos

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

sport