Lajme

Fermën për kuaj e bën motel, Ministria refuzon ankesën që parashihte legjitimimin

Autori: Gazeta inFokus 11:57 | 30 July 2024

Legjitimimi i objektit të ndërtuar si motel e që ishte pajisur me leje ndërtimore për “fermë për kuaj” në Prizren po pamundësohet.

Ministria e Mjedisit, Planifikimit Hapësinor dhe Infrastrukturës ka refuzuar ankesën e Gjeladin Shalës ndaj aktvendimit të Drejtorisë së Urbanizmit në Komunë të Prizrenit, që ia kishte refuzuar kërkesën për ndryshim të projektit, raporton “Betimi për Drejtësi“.

Objekti në Landovicë të Komunës së Prizrenit ishte pajisur me leje ndërtimore “fermë për kuaj”, por nga xhirimet në terren ngjante me një motel.

-Advertisement-

“Pas shqyrtimit të shkresave të lëndës Ministria e Mjedisit, Planifikimit Hapësinor dhe Infrastrukturës, konstatoi se ankesat e ushtruar nga Gjeladin Shala në Prizren, janë të pabazuara, për shkak se pala ka bërë tejkalim të lejes ndërtimore Nr.04-351/02-64740 datës 25.05.2023, pa miratimin nga organi kompetent – Drejtoria e Urbanizmit dhe Planifikimit Hapësinor në Prizren, edhe përkundër se nga kjo drejtori përmes njoftimit Nr.04.353/01-34688 datë 25.03.2024 është kërkuar nga pala të prezantohet ingjizimi i gjendjes faktike në teren, por nga i njëjti nuk është dërguar prova e kërkuar për vazhdimin e procedurave të mëtutjeshme, dhe nga kjo drejtori ju është refuzuar kërkesa me Aktvendimin Nr.04-353.01-34888 datë 15.04.2024, gjithashtu të njëjtën situatë në teren mbi tejkalimin e lejes ndërtimore është vërtetuar edhe me procesverbalet dhe aktvendimin e lartcekur lëshuar nga Drejtoria e Inspeksionit- Inspeksionit Komunal i Ndërtimit, Komuna Prizren, veprimet këto në kundërshtim me legjislacionin në fuqi”, thuhet në arsyetimin e vendimit të Ministrisë.

Këtij objekti i janë vendosur shiritat nga data 6 qershor.

Finalizimi i këtij objekti ishte arritur pasi pronari nuk kishte marrë për bazë vendimet e inspektorëve të ndërtimit për ndalim të punimeve si dhe inspektorët e kishin neglizhuar mbikëqyrjen.

Në anën tjetër, inspektorët komunalë kishin amnistuar pronarin duke mos ushtruar kallëzim penal pasi i njëjti kishte hequr shiritat e vendosur.

Subscribe në YouTube: GAZETA INFOKUSI
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme