Shëndetësi

Femrat që i lyejnë flokët shpesh janë 9% më të rrezikuara nga kanceri i gjirit

Autori: Gazeta inFokus 14:37 | 04 December 2019

Femrat, të cilat i lyejnë flokët vazhdimisht, janë më të rrezikuara nga kanceri i gjirit, shkruan Dailymail.

Hulumtuesit nga Instituti Kombëtar i Shëndetit, kanë vëzhguar 50.000 femra për tetë vite. Sipas të dhënave femrat, që vazhdimisht përdorin ngjyrues permanent të flokëve, ishin 9% më të rrezikuara nga kanceri i gjirit, në krahasim me ato që nuk i lyejnë flokët.

Hulumtuesit kanë thënë se kimikalet, që gjenden tek keta ngjyrues të flokëve kanë tendencë të hyjnë në lëkurë përmes skalpit dhe të kalojnë në qarkullimin e gjakut për një kohë shumë të shkurtër. Ata gjithashtu thonë se shmangia e këtyre kimikaleve është një metodë tjetër, që gratë mund ta përdorin për të zvogëluar rrezikun e kancerit të gjirit.
Sipas Institutit Kombëtar të Kancerit në Britaninë e Madhe, në bojën e flokëve janë prezentë mbi 5.000 lloje të substancave kimike, disa prej të cilëve janë kancerogjene. Këto substanca kimike ndikojnë në mënyrë të drejtpërdrejtë në organizmin e njeriut.

-Advertisement-

Rreziku i një personi për të zhvilluar një lloj të kancerit, varet nga kohëzgjatja dhe mënyra e ekspozimit ndaj këtyre kimikaleve.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit

Të tjera