Presidenti i Federatës Shqiptare të Futbollit, Armand Duka, është takuar të mërkurën me presidentët e federatave të Kosovës dhe Maqedonisë së Veriut, Agim Ademin dhe Muamed Sejdinin, shkruan gazeta inFokus.

Arsyeja e takimit të tyre është tragjedia që ka përfshirë Shqipërinë, duke rezultuar me 31 viktima nga tërmeti.

Të tre presidentët e federatave të futbollit kanë bashkuar forcat për të kontribuuar për familjet e prekura nga tërmeti.

“Duke u nisur nga dëshira dhe nga gatishmëria nga i gjithë komuniteti i futbollit, ne marrim përsipër rindërtimin e tre shtëpive të rrënuara. Fushata e ndihmës nga ana e FSHF-së do vijojë në ditët në vazhdim. Ne jemi një skuadër!” , ka shkruar Armand Duka. /Gazeta inFokus/