Lajme

Faton Peci aktivizohet në mbrojtje të Gërvallës, e quan “pishpirik” Abdixhikun

Autori: Gazeta inFokus 14:59 | 20 Qershor 2025

Ministri në detyrë i Bujqësisë, Faton Peci e ka quajtur “pirshpirik” Lumir Abrixhikun, në një reagim ndaj komenteve të bëra nga kryetari i Lidhjes Demokratike të Kosovës (LDK) për kryediplomaten në detyrë Donika Gërvalla të enjten.

Peci i quajti “të pakuptueshme e irrituese” deklaratat e Abdixhikut për Gërvallën.

Abdixhiku, në një intervistë televizive të enjten, e quajti Gërvallën një person “të paedukatë dhe me mungesë të theksuar të inteligjencës.”

-Advertisement-

“Është jo vetëm e pakuptueshme e irituese, por edhe e tmerrshme të dëgjojmë Lumir Abdixhikun duke e cilësuar Donika Gërvallën si ‘e paedukatë’”, tha Peci në një postim në Facebook.

Peci tha se lideri i LDK-së nuk e ka fyer vetëm Gërvallën si person, por të gjithë familjen e saj.

“Lumir, përgjegjëse primare dhe absolute për edukimin e një personi është familja. E, nëse i thua Donikës ‘e paedukatë’, ti e ke fyer heroin e Kosovës e frymëzimin patriotik e shpirtëror të gjeneratave, Jusuf Gërvallën, e ke fyer heroinën e Kosovës, Suzanën, atë që rriti e edukoi tre fëmijët shembullorë të heroit dhe e ke fyer Nanën Ajshe, që jo vetëm që është gjyshja e shtylla e kësaj familjeje, po është institucion i qenies shqiptare”, tha ministri në detyrë i Bujqësisë.

Sipas Pecit, Donika Gërvalla është e lidhur ngushtë me “lidhje gjaku, me vizion dhe me aktivitet 35-vjeçar” me ngjarjet më të mëdha historike të popullit të Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy