Lajme

Faton Klinaku: Publikimi i dosjeve të UNMIK-ut është me pasoja

Autori: Gazeta inFokus 12:51 | 21 February 2021

Kryetari në detyrë i OVL-UÇK, Faton Klinaku ka reaguar pas publikimit të dosjeve të UNMIK-ut, për vrasjen e Xhemail Mustafës dhe Ekrem Rexhes.

Klinaku ka thënë se publikimi i dosjeve të UNMIKUT është dashakeqës, shkruan Gazeta Infokus.

Gjithashtu ai ka deklaruar se do dështojnë përpjekjet e Speciales për njollosjen e UÇK-së, ashtu siç i dështuan Serbisë, UNMIK-ut dhe EULEX-it.

“ Ripublikimi i dosjeve të dështuara të UNMIK-ut nga ana e mediumit të Baton Haxhiut, është dashakeqës dhe me pasoja për opinionin publik.
Ndërsa, deklaratat e Milaim Zekës e të disa eksponentëve të LDK-së, jo vetëm që kanë pasoja për publikun, por janë edhe një përpjekje e mjerë dhe për të të ardhur keq për akuzim të padrejtë të udhëheqësve të UÇK-së, të cilët po përballen me “drejtësinë” ndërkombëtare në Hagë.
Ashtu siç kanë dështuar përpjekjet për njollosjen e luftës së lavdishme të UÇK-së nga ana e Serbisë, UNMIK-ut dhe EULEX-it, poashtu do të dështojnë edhe këto përpjekje të Gjykatës Speciale dhe ndihmësve të saj.
Lufta jonë ka qenë, është dhe do të mbetet e shenjtë!
Faton KlinakuU.D. i kryetarit të OVL UÇK-së.”, ka shkruar ai./Gazeta Infokus/

Të tjera