Fatmir Sejdiu për Enver Malokun: 19 vjet borxh ndaj teje
Autori: Gazeta inFokus 15:41 | 11 January 2018
Ish-presidenti i Kosovës, Fatmir Sejdiu e ka quajtur Enver Malokun një intelektual, gazetar, njeri i kulturës e politikës, dhe mbi të gjitha si njeri i Lirisë dhe njeri i Kosovës.
Sejdiu është shprehur se Enver Maloku nuk ishte ndalur kurrë dhe nuk u kursye asnjëherë për Kosovën, deri në 11 janarin e kobshëm.
“Qëllimit të keq ia arritën, ia ndalën Lirinë Njeriut të Kosovës, duke ia ndalur Kosovës Njeriun e Lirisë”, ka shkruar ai ndër të tjera në komentin e tij për vrasjen e Malokut.
Edhe sot e 19 vite, thotë Sejdiu, nuk është larë borxhi ndaj Enver Malokut.
Ky është komenti i plotë i Fatmir Sejdiut:
Ia ndalën Lirinë Njeriut të Kosovës, duke ia ndalur Kosovës Njeriun e Lirisë
Janari, padyshim se mbetet nga muajt më të rëndë për vendin tonë, për shoqërinë tonë, posaçërisht kur kujtojmë ata që na i mori padrejtësisht.
Në çdo janar, nga viti në vit, dhembja shtohet edhe më shumë. Dhembje për ata që i kishim, dhe që padrejtësisht s’i kemi.
Padyshim se dhembja është e madhe, porse veprimtaria e tyre bënë krenar gjithsecilin që e deshi lirinë, që e deshi një Kosovë të pavarur.
Çdo kush që e deshi lirinë dhe pavarësinë e Kosovës, sot duhet të jetë krenar me intelektualin, gazetarin, njeriun e kulturës, njeriun e politikës, njeriun që e udhëhoqi Qendrën për Informim të Kosovës (QIK), e cila ishte dritarja më reale dhe më e fuqishme në momentet më të nevojshme, për projektet po kështu më të nevojshme, për projektin e madh, për Liri, njeriun e Lirisë, njeriun e Kosovës, Enver Maloku.
Enveri s’kurseu asgjë asnjëherë, në asnjë rrethanë. Ai s’u ndal kurrë. Dora dhe mendja e tij s’pushoi asnjëherë, deri në 11 janarin e kobshëm.
Enverin, e njoha për s ‘afërmi, pata rastin të punoj me të. Të tillë si e njoha në fillim, të tillë e ruajta kujtimin për të përherë.
Ai s’ndryshoi asnjëherë, në asnjë rrethanë. i përkushtuar, punëtor, i vendosur, i drejtpërdrejtë njeri i fjalës dhe i punës.
Synim kishte lirinë e vendit, për të cilën punoi pandashëm e pandalshëm përmjet publicistikës së tij.
Veprimtaria e Enverit ishte në shërbim të lirisë.
Lirinë që e deshi shumë, e që dëshmohet përmes shkrimeve të tij të cilat arritën në çdo cep të botës, si shkrime të guximshme, të fuqishme, të pasura me argumente të bollshme për çdo zhvillim brenda një padrejtësie që jetonim si shoqëri.
Porse, këtë dashuri për lirinë ia ndalën pikërisht ata që se deshën lirinë e Enverit dhe lirinë e Kosovës.
Po aq sa është e padrejtë ndalja e lirisë, padrejtësisht dhe pabesisht iu ndalë jeta edhe vet Enverit.
Duke u kthyer në banesën e tij, pas shpinës shtien mbi të.
Ia ndalën hapin, për t’ia ndalur mendjen e tij, dorën e tij, për ta ndalur Enverin.
Qëllimit të keq ia arritën, ia ndalën Lirinë Njeriut të Kosovës, duke ia ndalur Kosovës Njeriun e Lirisë.
Por, asnjëherë dhe në asnjë rrethanë s’mund ta ndalin veprën e Enverit. Ajo do të jetoj përherë, me lirinë e Kosovës dhe me Kosovën e lirë.
Nëntëmbëdhjetë vjet Kosova e vuan mungesën tënde. Nëntëmbëdhjetë vjet borxh ndaj teje.
Nëntëmbëdhjetë vjet të pritjes për zbardhjen e atyre që bënë aktin më të turpshëm ndaljen e lirisë- Njeriut të Lirisë.
Të tjera
-
Ambasadori suedez: Ura të hapet në koordinim me banorët lokalë
Ambasadori suedez, Jonas Westerlund në një intervistë për Tëvë1 është shprehu...
-
Hasani: Marrëveshja e Brukselit dhe ankesi i Ohrit rihapin çështjen e statusit të Kosovës
Ish kryetari i Gjykatës Kushtetuese, Enver Hasani në emisonin “Click” në RTV2...
-
I kërkuar ndërkombëtarisht për vrạsje e grạbitje – Policia e arreston 27 vjeçarin në Mitrovicë
Policia e Kosovës, gjegjësisht njësiti (FAST Kosova), me mbështetje të Njësis...
-
Raci: Opozita po e shfrytëzon Kuvendin për fushatë zgjedhore!
Nga pushteti akuzojnë opozitën se po gjen tema qëllimisht tash në prag të fus...
-
Haradinaj habitë me deklaratën: Albini ka ba foto me dronët “Bayraktar”, le të tregon qysh i ka humbë droni
Daut Haradinaj nga Aleanca për Ardhmërinë e Kosovës tha se “90% e pajisjeve u...
-
”Pritet arrestimi i tre ministrave të Albin Kurtit”
“Tre ministra të Qeverisë Kurti pritet të arrestohen”, kështu tha anëtari i K...
-
Daut Haraidnaj: Mimoza dinë qaq shumë për Kurtin, sa mund ta “varrosë” – andaj s’e qorton
Anëtari i Kryesisë së AAK-së, Daut Haradinaj ka folur rreth përgjimeve mes Mi...
-
“Dy krisma të alltisë i kam dëgju”, dëshmitari rrëfen për momentin vrạsjes afër hotelit ku punonte në Dragodan
Besnik Vitija, i cili kishte punuar në hotelin “Adria” kur kishte ndodhur vra...
-
Pacolli: Ka dëshmi që kam biseduar me Radoiçiqin në sy të Kurtit dhe Osmanit
Behgjet Pacolli, kryetari i Aleancës për një Kosovë të Re (AKR), ka thënë se ...
-
Daut Haradinaj me deklaratë të fortë: Ka përgjime më të rënda se këto të Kusarit me Radojçiqin
Anëtari i Kryesisë së Aleancës për Ardhmërinë e Kosovës (AAK), Daut Haradinaj...
-
Selmanaj thotë se Kusari-Lila është në gjendje të rëndë: Asnjë deklaratë nuk e ka të njejtë!
Deputeti i Lidhjes Demokratike të Kosovës, Driton Selmanaj ka komentuar bised...
-
Pacolli: Kam bërë gabim në votën për Qeverinë Kurti, Kosova ka ngecur në shumë fusha
Ish-presidenti Behgjeti Pacolli, duke reflektuar për punën e Qeverisë Kurti p...