Lajme

Fatmir Matoshi kërkon pare për ambient nga USAID

Autori: Gazeta inFokus 10:34 | 27 November 2018

Ministri i Mjedisit dhe Planifikimit Hapësinor, Fatmir Matoshi, ka kërkuar nga USAID-i përkrahje për anëtarësimin e ministrisë se mjedisit në fondet globale në mënyrë që Kosova të mund të merr përkrahje financiare për projekte mjedisorë nga këto fonde.

Këtë ai e ka bërë të ditur gjatë takimit njoftues me drejtoren e misionit të USAID-it në Kosovë, Lisa Magno, ku është biseduar edhe për mundësi bashkëpunimi.

“Si ministri jemi duke u angazhuar së bashku me donatorët për ndërtimin e rezervave ujore, ndërtimin e impianteve për trajtimin e ujërave të zeza, ka hyrë në fuqi udhëzimi për gjoba mandatorë për atë që hedhin mbeturina jashtë vendeve të caktuara, po ashtu jemi duke vazhduar me fushatën për pastrimin e Kosovës, ku deri me tani janë larguar mbi 500 deponi ilegale të mbeturinave etj”, ka thënë Matoshi.

-Advertisement-

Ministri Matoshi ka thënë se ka dy prioritete kryesore në udhëheqje të kësaj ministrie: Trajtimi i ujërave të zeza dhe ndërtimi ujëmbledhësve në vend, pasi që sipas tij vendi ynë ka probleme sa i përket rezervave ujore.

Ndërsa drejtorja e USAID-it në Kosovë, Lisa Magno ka uruar ministrin për marrjen e detyrës dhe i ka ofruar përkrahjen e saj dhe të USAID-it në projekte mjedisore.

“USAID është duke punuar në zhvillimin e strategjisë së ardhshme për Kosovën dhe kjo agjenci është e hapur për të biseduar në lidhje me sfidat që Ministria për Mjedis dhe Planifikim Hapësinor ballafaqohet”, ka deklaruar Magno.

Sipas njoftimit për media, Ministri ka falënderuar popullin amerikan dhe USAID për përkrahjen e vazhdueshme dhënë Kosovës, gjithashtu ka prezantuar edhe sfidat me të cilat po ballafaqohemi si shtet në fushën e mjedisit, duke u nisur nga mungesa e trajtimit te ujërave të zeza, ndotjen e ajrit, mungesën e rezervave ujore etj.

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

lajme