Falja e të dënuarve për krime lufte, KMDLNJ akuzon BE-në për standarde të dyfishta
Autori: Gazeta inFokus 13:50 | 18 April 2018
KMDLNJ ka shprehur shqetësimin se BE po zbaton standarde të dyfishta sa i përket çështjes së krimeve të luftës dhe faljes që ka bërë presidenti i Kosovës ndaj personave të dënuar për krime lufte.
Në një reagim për media, KMDLNJ thotë se kjo është ndërhyrje flagrante në pavarësinë e institucioneve mbajtëse dhe përgjegjëse për lirim të parakohshëm të personave të dënuar sikur edhe në të drejtën kushtetuese e që është e pamohueshme e presidentit për të falur të dënuar që kërkojnë falje, si e drejtë që iu takon.
“Çështja e krimeve të luftës është e ndjeshme dhe në rrethanat tona më shumë është çështje politike se çështje e drejtësisë. Në veçanti çështja e faljes apo lirimit të parakohshëm të të dënuarve për krime lufte në Kosovë i nënshtrohet një politizimi të skajshëm”, thuhet në reagim.
KMDLNj e përkujton opinionin si dhe Komisionin Evropian se Gjykata për Krime Lufte për ish – Jugosllavinë , me seli në Hagë , si autoritet botëror për hetim, gjykim dhe mbajtje në burg të akuzuarve dhe të dënuarve për krime lufte, nuk e ka bërë asnjë ndërhyrje diskriminuese në trajtimin e këtyre të dënuarve, madje, asnjë i dënuar për krime lufte me vendimin e Tribunalit për Krime Lufte në Hagë, nuk e ka vuajtur dënimin deri në fund.
“Të gjithë të dënuarit janë liruar para kohe, kanë shkuar në shtëpi në raste të veçanta , kanë zgjedhur vendin dhe shtetin ku do ta vuajnë dënimin sikur që janë liruar për shkaqe shëndetësore , për të vazhduar pastaj politikën , pa u penguar nga askush , ndonëse kjo politikë nuk ka dalluar aspak nga ajo që ka shkaktuar qindra – mijëra viktima. Askush nuk ka kundërshtuar këto lirime që i ka bërë Tribunali i Hagës për të dënuarit për krime lufte”, thuhet më tej në reagim.
Zbatimi i standardeve të dyfishta , sipas KMDLNJ-së, gjatë trajtimit të të dënuarve për krime lufte e sidomos gjatë lirimit të tyre paraqet diskriminim e rasti i Kosovës është rast eklatant i këtij diskriminimi, pasi për vepra të njëjta të dënueshme, Tribunalit të Hagës për Krime Lufte i lejohet një pavarësi në marrje të vendimeve kurse institucioneve të Kosovës i pamundësohet një mundësi e tillë.
“Pse Tribunali i Hagës paska të drejtë t’i lirojë para kohe të dënuar për krime lufte përkundër përgjegjësisë shumë të madhe dhe rrezikshmërisë që e kanë kurse vendet e tjera nuk e paskan këtë të drejtë , në mesin e të cilave është edhe Kosova ?! Pse lejohet ky zbatim i standardeve të dyfishta e që është në kundërshtim të plotë me të drejtat e njeriut dhe dokumentet ndërkombëtare si dhe konventat për të drejtat e njeriut ?!”, thekson KMDLNJ.
Për më tepër, KMDLNJ thotë se Komisioni Evropian duhet të kërkojë të zbatohet një standard i përgjithshëm dhe detyrues për të gjitha shtetet që kanë të dënuar për krime lufte, në të kundërtën, nuk mund të kërkojë zbatim të njëanshëm dhe detyrues për këtë çështje vetëm nga Kosova.
“Nëse nuk është lëshim apo gabim konstatimi se falja e të dënuarve për krime lufte nga presidenti i Kosovës paraqet shqetësim për Komisionin Evropian kurse, për raste të ngjashme nuk keni reaguar fare sikur që ishin lirimet nga Tribunali i Hagës për Krime Lufte si dhe faljet nga shtet tjera nga ish – Jugosllavia , atëherë po e legalizoni zbatimin e standardeve të dyfishta, korrupsionin pasiv dhe presionin joparimorë që i bënë anës së dobët. Sikur që me të drejtë kërkohet drejtësi për të gjitha viktimat e krimeve të luftës , përgjegjësi për të gjithë ata që kanë planifikuar , urdhëruar , që kanë bërë dhe që nuk kanë penguar këto krime të luftës, duhet të kërkohet trajtim të barabartë dhe jodiskriminues për të gjithë të dënuarit për këto krime”, përfundon reagimi i KMDLNJ-së.
Të tjera
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...
-
Sot mbahet ceremonia përmbyllëse e garës ndërkombëtare “Ushtari më i mirë 2024”
Të premten, me datë do të 26 mbahet ceremonia përmbyllëse të garës ndërkombët...
-
Osmani merr pjesë në ceremoninë e dorëzimit të pajisjes moderne SPECT/CT/PET
Të premten e datës 26 prill nën patronatin e Presidentes së Republikës së Kos...
-
Deputeti i VV-së: Kosova do të anëtarësohet në KiE, Asociacioni s’do të bëhet në maj
Deputeti i Lëvizjes Vetëvendosje, Alban Bajrami, është shprehur i bindur se K...
-
Sot Dita Botërore e Pronësisë Intelektuale
Sot në të gjithë botën shënohet Dita e Pronësisë Intelektuale, me aktivitete ...
-
Më shumë se gjysma e popullsisë së botës rrezikohet nga sëmundjet e përhapura nga mushkonjat, paralajmërojnë ekspertët
Më shumë se gjysma e popullsisë së botës mund të jetë në rrezik nga infektimi...
-
DASH goditi rëndë ‘strukturat ilegale serbe’ dhe Listën Serbe në Raport, shpjegojnë si “qeveria serbe i shfrytëzon për ndikim”
Serbia – qeveria e saj – vazhdon të përdorë ‘strukturat ilegale serbe’ për të...
-
Arifi: Shkarkimi im hakmarrje e Vuçiqit për suksesin e Kosovës në KiE
Shqiprim Arifi, ish-kryetar i Preshevës ka thënë se shkarkimi i tij është hak...
-
Sot mblidhen katër komisione parlamentare
Në Kuvendin e Kosovës sot do të mbahen mbledhjet e katër komisioneve parlamen...
-
Rashiq komenton stërvitjet ushtarake serbe
Ministri për Kthim dhe Komunitete, Nenad Rashiq, ka thënë se Serbia në krye m...
-
Parahikimi i motit për sot
Për të premten parashikohet të mbajë mot me diell dhe vranësira, ndërsa lok...